مەملەكەت باسشىسى قاسىم-جومارت توقاەۆ ەۋروپا وداعىنىڭ قازاقستانداعى ەلشىسى كەستۋتيس يانكاۋسكاستى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«كەزدەسۋدە قازاقستان مەن ەۋروپا وداعى اراسىنداعى قارىم-قاتىناستاردىڭ باسىم باعىتتارى قاراستىرىلدى. مەملەكەت باسشىسى قازاقستاننىڭ ەۋروپا وداعىمەن ستراتەگيالىق سەرىكتەستىگىن ودان ءارى نىعايتۋعا بەيىلدىلىگىن, سونداي-اق ەلىمىزدىڭ باستاماسىمەن قولعا الىنعان س5+ەو فورماتى اياسىنداعى كوپجاقتى ىنتىماقتاستىقتى ودان ءارى ىلگەرىلەتۋگە نيەتتى ەكەنىن راستادى. پرەزيدەنت ساياسي رەفورمالاردىڭ تابىستى جۇزەگە اسىرىلىپ جاتقانى تۋرالى ايتىپ, دەموكراتيانى نىعايتۋ ىسىندە قازاقستاندى قولداعانى ءۇشىن ەۋروپا وداعىنا ريزاشىلىعىن ءبىلدىردى», دەلىنگەن اقپاراتتا.
ەلشىمەن كەزدەسۋدە اسا ماڭىزدى شيكىزات ماتەريالدارى, «جاسىل» ەكونوميكالىق ءوسىم, كولىك, لوگيستيكا جانە اۋىل شارۋاشىلىعى سالالارىنداعى ىقپالداستىقتى دامىتۋ جايى تالقىلاندى.