كىتاپ – قازىنا بۇلاعى. ەلىمىزدە باسپا ءىسى جىل سايىن وركەندەپ, جاڭاشا سيپات الىپ كەلەدى. تاۋەلسىز جاستاردىڭ الەمدىك مادەنيەتكە ۇلەس قوسقان, اتى ءماشھۇر ىرگەلى كىتاپتارمەن ءتول تىلىمىزدە تانىسۋىنا جول اشىلىپ وتىر.
ەلوردادا كəسىپكەر, مەتسەنات, «Altyn Qyran Foundation» قوعامدىق قورىنىڭ نەگىزىن قالاۋشى يسلامبەك سالجانوۆتىڭ باستاماسىمەن ستۋدەنتتەرمەن كەزدەسۋ ءوتتى. بەلگىلى مەتسەنات ەلىمىزدەگى بارلىق قالالىق جəنە اۋداندىق كىتاپحاناعا يننوۆاتسيالىق تەحنولوگيالار تۋرالى 8 مىڭ كىتاپ سىيعا تارتىپ وتىر.
ءىس-شاراعا حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلى, «قازپوشتا» اق باسقارما توراعاسى Əسەل جاناسوۆا, ۇلتتىق اكادەميالىق كىتاپحانانىڭ ديرەكتورى عازيزا نۇرعاليەۆا جəنە بلوكچەين تەحنولوگيالارى مەن دەرەكتەر ورتالىقتارى قاۋىمداستىعىنىڭ باسقارما توراعاسى دəۋرەن قاراشەۆ قاتىستى.
كەزدەسۋ بارىسىندا يسلامبەك سالجانوۆ قازاق ءتىلىنىڭ ءبىلىم بەرۋدەگى وزەكتىلىگىنە توقتالىپ, كىتاپتاردى قازاق تىلىنە اۋدارۋ حالقىمىز ءۇشىن باستى مىندەتتەردىڭ ءبىرى ەكەنىن جەتكىزدى.
– بۇگىن ءبىز, «Altyn Qyran Foundation», قازاقستان بلوكچەين تەحنولوگيالارى جəنە دەرەكتەر ورتالىقتارى قاۋىمداستىعى, حالىقارالىق «قازاق ءتىلى» قوعامىمەن, سونداي-اق ۇلتتىق اكادەميالىق كىتاپحانامەن, «قازپوشتا» اق-مەن بىرلەسىپ اتقارعان جاقسى جۇمىسىمىزبەن بولىسكىمىز كەلەدى. قازاق تىلىندەگى جاڭا تەحنولوگيالار تۋرالى ءتورت əلەمدىك بەستسەللەر ەلىمىزدىڭ بارلىق قالالىق جəنە وبلىستىق كىتاپحانانىڭ سورەلەرىنە جىبەرىلەدى. ولار «بلوكچەين تەحنولوگياسى», «اقشانىڭ قىسقاشا تاريحى», «كريپتوۆاليۋتا ءدəۋىرى», «شىندىق ماشينالارى» – ەڭ قولجەتىمدى جəنە بلوكچەين تەحنولوگيالارى, كريپتويندۋستريا, WEB3 قانداي ەكەنى جəنە پروگرەسس قايدا جاتقانى تۋرالى قىزىقتى 4 əلەمدىك كىتاپ, – دەدى مەتسەنات.
بۇل كىتاپتاردىڭ بارلىعىن ونلاين فورماتتا «التىن قىران» قورىنىڭ رەسمي سايتىنان قولجەتىمدى تۇردە تابۋعا بولادى.
ءىس-شارادا بلوكچەين تەحنولوگيالارى جəنە داتا ورتالىقتارى قاۋىمداستىعىنىڭ باسقارما توراعاسى دəۋرەن قاراشەۆ كىتاپتاردىڭ ماڭىزى جونىندە ايتتى.
– بلوكچەين جاڭا تەحنولوگيالار مەن يننوۆاتسيالاردى دامىتۋعا ايتارلىقتاي əسەر ەتەدى. بۇگىندە جاس كəسىپكەرلەر ورتالىقتاندىرىلماعان جوبالاردى قۇرۋ, قارجىلىق ينكليۋزيانى جاقسارتۋ جəنە ءبىلىم بەرۋ, ۇكىمەت, ەنەرگەتيكا, لوگيستيكا, دەنساۋلىق ساقتاۋ جəنە ەكونوميكامىزدىڭ باسقا سەكتورلارى سياقتى ءəرتۇرلى سالالارداعى اشىقتىقتى ارتتىرۋ ءۇشىن بلوكچەيندى پايدالانىپ جاتىر», – دەدى ول.
ايتا كەتەيىك, «Altyn Qyran Foundation» قوعامدىق قورى قايىرىمدىلىق كومەك كولەمى بويىنشا قازاقستانداعى ەڭ ءىرى قورلاردىڭ وندىعىنا كىرەدى جəنە ءۇش نەگىزگى باعىتتا – ءبىلىم بەرۋ, مəدەنيەت جəنە əلەۋمەتتىك ينفراقۇرىلىم بويىنشا جۇمىس اتقارادى.