كوكتايعاق – جاڭبىردان كەيىن كۇننىڭ سالقىنداۋىنان نەمەسە ەرىگەن قاردىڭ اۋا رايىنىڭ كۇرت سۋىپ كەتۋىنەن پايدا بولاتىن جۇقا مۇز قاباتى. قىس جەتكەندە قازاقستاننىڭ سولتۇستىك, ورتالىق, شىعىس ايماقتارىندا كوكتايعاق ءجيى بولادى. قۇلاپ, تراۆماتولوگيالىق جاراقات الماۋ ءۇشىن كوكتايعاق كەزىندەگى قاۋىپسىزدىك ەرەجەلەرىن ەستە ساقتاۋ كەرەك.
كوكتايعاق كوبىنەسە ادامدار كوپ جۇرەتىن جەرلەر مەن جاياۋ جۇرگىنشىلەر جولىندا بولادى. بۇل ايماقتار توبە-ساي بولعاندىقتان كوكتايعاقتا ءجۇرۋ قيىندايدى. مۇنداي كەزدە جاراقات الىپ قالماۋ ءۇشىن قاۋىپسىزدىك ەرەجەلەرىن ساقتاۋ ماڭىزدى.
سىرعانامايتىن, تابانىندا ۇساق ورنەكتەرى بار اياق كيىمدەردى تاڭداڭىز. بيىك وكشەلى اياق كيىم كيۋدەن باس تارتىڭىز.
كوكتايعاق كەزىندە قولىڭىزدى قالتادان شىعارىپ, بوس ءجۇرىڭىز. بۇل قۇلاۋ ىقتيمالدىعىن تومەندەتەدى. جەردە جۇقا مۇز قاباتى پايدا بولعاندا ارتىق, اۋىر سومكە ارقالاماڭىز.
ەگەر مۇزدى جەردى اينالىپ وتۋگە مۇمكىندىك بولماسا مۇز ۇستىمەن شاڭعىشى سياقتى قىسقا ادىمدار جاساپ, باياۋ قوزعالىڭىز.
ال ەگدە جاستاعى ادامدارعا رەزەڭكە ۇشى بار نەمەسە ارنايى ۇشتى تاياق قولدانۋعا كەڭەس بەرىلەدى.
كوكتايعاقتا ارقامەن, بەتپەن قۇلاعان وتە قاۋىپتى. بۇل ميدىڭ شايقالۋىنا اكەلىپ سوعادى. جاراقاتتانعان سوڭ ۋاقىت وزدىرماي دارىگەرلەرگە جۇگىنۋ قاجەت.
جولدىڭ كەلەسى بەتىنە, باعدارشامنان ءوتۋ كەرەك بولعاندا جاسىل تولىق جانعاندا جۇگىرمەي ءوتۋ كەرەك.
اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى باقىلاپ وتىرۋ قاجەت.