كىتاپ اماناتى

«Amanat» پارتياسى شىعىس قازاقستان وبلىستىق فيليالىندا كىتاپ ورتالىعىنىڭ رەس­مي اشىلۋىنا ءوڭىردىڭ زيالى قاۋىمى, ءبىلىم بەرۋ مەكەمە­لەرىنىڭ باسشىلارى, ستۋدەنتتەر قاتىسقان. ال شارانىڭ قۇر­مەتتى قوناعى رەتىندە اقىن الماسبەك احمەتبەك ۇلى شا­قىرىلدى.

بۇل ورتالىقتىڭ كىتاپ­حا­نالاردان ءبىر ەرەكشەلىگى – مۇن­داعى كىتاپتاردى ساتىپ تا الۋعا بولادى. دەلدالسىز, تى­كەلەي باسپادان جەتكەن قۇن­دى كىتاپتاردىڭ ب­اعاسى قول­­­­جەتىمدى. كەلگەن قو­ناق­تار كىتاپحانا ءىشىن ارالاپ, كى­­تاپ­­تاردى پاراقتاپ تا شىق­تى. كىتاپحاناعا جۋىقتا عانا «Abai» باسپاسىنان شىق­قان الاش ارداقتىلارى مىر­جا­قىپ دۋلات ۇلى, ماعجان جۇماباەۆتىڭ جيناقتارى, كلاسسيك جازۋشىلاردىڭ پوۆەست, اڭگىمەلەرى, روماندارى جەت­كىزىلىپتى. شەت­ەل جا­زۋشى­لا­رىنىڭ دا كىتاپ­تارىن كو­زىمىز شالدى.

– پرەزيدەنت قاسىم-جومارت توقاەۆ ەلدىك ماسە­لە­لەر ايتىلعان ۇلتتىق قۇ­رىل­تايدا كى­تاپحانا جۇمىسىنا دا زور ءمان بەرىلۋى كەرەكتىگىن ءسوز ەتكەن ەدى. ناتيجەسىندە, جەر-جەر­لەردە وسىنداي ورتا­لىقتار اشى­لىپ جاتىر. ماق­ساتىمىز – قوعامنىڭ كىتاپ وقۋ مادە­نيەتىن قالىپتاستىرۋ. «كىتاپ-Amanat» جوباسى – پار­­تيا­مىزدىڭ قولعا العان اسا ما­ڭىزدى ۇلتتىق جوباسى. «اۋىل-Amanat», «جەر-Amanat» الەۋ­مەتتىك سالا­عا باعىتتالسا, بۇ­گىنگى ور­تا­لىق حالىقتىڭ رۋحاني قۋا­تىن جەتىلدىرۋدى كوزدەيدى, – دەدى شىعىس قازاقستان وب­لىستىق «Amanat» پارتياسى فيليالىنىڭ توراعاسى ساي­رانگۇل ءجۇمادىلوۆا.

وسى تۇستا ەسەپ ءۇشىن ەمەس, وقىرمانعا تولىمدى دۇنيە ۇسىنۋدى ماقسات ەتكەن فيليا­ل باسشىسى سايرانگۇل اح­مەت­كارىمقىزىنىڭ ەڭبەگىن دە اتاپ وتكەن ءجون.

اقىن الماسبەك احمەت­بەك ۇلى ءوز كەزەگىندە بۇل ور­تالىق ادامنىڭ جان قاجەتىن قاناعاتتاندىرۋ ءۇشىن جاسالىپ وتىرعانىن جەتكىزدى.

– كىتاپسىز ۇلت – ۇلت بولمايدى. «ەڭ كۇشتى ۇلت – كى­تابى كوپ ۇلت, ەڭ قاۋىپسىز مەم­­­لەكەت – كىتابى كوپ مەملەكەت» دەيدى. مادەنيەتى, ءبى­لىمى جوعارى, كى­تابى كوپ مەم­لە­كەتتى جاۋ الا المايدى. بىزدە جاپونيامەن سالىستىرعاندا كىتاپ ءوندىرىسى 300 ەسە تومەن. ەلىمىز بو­يىنشا «Amanat» پارتياسىنىڭ 200-دەن استام عيماراتى بار. سول جەرلەر­دەن مادەنيەت, پاراسات ور­تالىقتارىن اشىپ, كىتاپ الماساتىن جەرگە اينالدىرۋدى ءجون ساناعان. ەندىگى ماسەلە – كىتاپ ءوندىرىسىن وركەندەتۋ. اربىرەۋىمىزدىڭ قولىمىزدا كىتاپ ءجۇرۋى كەرەك, – دەدى.

سونىمەن قاتار ءوڭىردىڭ زيا­لى قاۋىم وكىلدەرى دە جاڭا رۋحاني ورتانىڭ اشىلىپ جات­قانىنا قۇتتى بولسىن ايتىپ, جىلى لەبىزدەرىن ءبىلدىردى. بىرقاتار ءبىلىم مەكەمەلەرى دە­مەۋشىلەردىڭ كومەگىمەن تاڭ­داعان كىتاپتارىنا يە بولدى.

وسكەمەن