قوستاناي وبلىسى بالىق ينسپەكتسياسى باسقارماسى 11 ايلىق جۇمىسىن قورىتىندىلادى. ينسپەكتسيا وسى جىلى زاڭسىز بالىق اۋلاۋدىڭ 160 دەرەگىن انىقتاعان. تىيىم سالىنعان جەرلەردە بالىق اۋلاعاندار جالپى سومماسى 2 725 500 تەڭگە ايىپپۇل ارقالادى, دەپ جازادى Egemen.kz.
وبلىستىق بالىق ينسپەكتسياسى باسقارماسى ۋىلدىرىق شاشاتىن ايماقتا, زاڭسىز يەمدەنگەن قۇرالداردى پايدالانىپ بالىق اۋلاۋشىلاردى انىقتاۋ ىسىندە جەرگىلىكتى تۇرعىندار بەلسەندى بولعانىن ايتتى. ماسەلەن, رۋدنىيلىق تۇرعىنداردىڭ حابارلاۋىمەن 4 رەت زاڭسىز بالىق اۋلاماقشى بولعانداردىڭ جولى كەسىلگەن.
سونىمەن بىرگە وسى باعىتتاعى زاڭسىزدىقتاردى انىقتاۋدا الەۋمەتتىك جەلىگە جۇرگىزىلگەن مونيتورينگتەر دە ءوز جەمىسىن بەرىپ جاتىر.
«ماسەلەن, بيىل وبلىستىڭ ەكى تۇرعىنى TikTok-قا جۇكتەگەن ۆيدەوسى ءۇشىن جازالاندى. ۆيدەودا زاڭسىز بالىق اۋلاۋ بەلگىلەرى بولعان. ايىپپۇل كولەمى 34 500 تەڭگەنى قۇرادى», دەدى قوستاناي وبلىسى بالىق ينسپەكتسياسى باسقارماسىنىڭ باسشىسى ءداۋىت تاجىباەۆ.