ءىىم ينتيمدىك سيپاتتاعى قىزمەت كورسەتەتىن پريتوندارعا قاتىستى اۋقىمدى تەكسەرۋ جۇمىستارىن جۇرگىزىپ جاتىر, دەپ حابارلايدى Egemen.kz Polisia.kz-كە سىلتەمە جاساپ.
رەيد جۇرگىزۋ بارىسىندا جەزوكشەلىكتى كاسىپ ەتۋ ءۇشىن ءۇي-جايدى جالعا بەرۋدىڭ 70-تەن اسا دەرەگى انىقتالعان. «كىنالى تۇلعالار قر اقبتك-ءنىڭ 450-ءشى بابى (كورىنەۋ جەزوكشەلىكپەن اينالىسۋ نەمەسە جەڭگەتايلىق ءۇشىن ءۇي-جايلار ۇسىنۋ) بويىنشا اكىمشىلىك جاۋاپكەرشىلىككە تارتىلدى, وندا جۇزدەن مىڭعا دەيىنگە ايلىق ەسەپتىك كورسەتكىش مولشەرىندە ايىپپۇل سالۋ كوزدەلگەن. 5 جەڭگەتايلىق فاكتىسى انىقتالدى. سونىمەن قاتار جەدەل-پروفيلاكتيكالىق ءىس-شارالاردى جۇرگىزۋ بارىسىندا بۇرىن جاسالعان سەمەي قالاسىنىڭ تۇرعىنىنان ۇرلانعان 3 ملن تەڭگە اقشا ۇرلىعى اشىلدى, ونىڭ بانكتىك كارتاسىن ينتيمدىك قىزمەت كورسەتكەن قىز ۇرلاپ الىپ, اقشالاي قاراجاتقا اينالدىرعان», دەلىنگەن اقپاراتتا.
تەكسەرۋ بارىسىندا 2005 جىلدان بەرى حابار-وشارسىز كەتتى دەپ ىزدەۋ جاريالانعان تۇركىستان وبلىسىنىڭ تۇرعىنى قۇلسارى قالاسىنان ء دىن امان تابىلدى. سۇراۋ كەزىندە ول 16 جاسىندا اتا-اناسىمەن جانجالداسىپ ۇيدەن كەتىپ قالعانىن ايتتى. ەلىمىزدىڭ ءار قالاسىندا تازالاۋشى بولىپ جۇمىس ىستەپ, جاقىندارىمەن قاتىناستى مۇلدەم ۇزگەن. جەكە باسىن كۋالاندىراتىن قۇجاتى جوق ازاماتتى جەرگىلىكى پوليتسيا قىزمەتكەرلەرى تۋىستارىنا قايتارۋ شاراسىن جۇرگىزىپ جاتىر.