وسكەمەن قالاسىندا جەلتوقسان ايىنان باستاپ ترامۆايلاردىڭ بارلىعى كوندۋكتورسىز جۇرەتىن بولادى, دەپ حابارلايدى Egemen.kz.
«وسكەمەن كولىك كومپانياسى» جشس مالىمەتىنشە, 1 جەلتوقساننان باستاپ ترامۆايلاردا كوندۋكتورلار بولمايدى.
«ترامۆاي جولاۋشىلارى جول اقىسىن QR-كودپەن, كارتامەن ۆاليداتور ارقىلى نەمەسە جولاقىسىن جۇرگىزۋشىگە قولما-قول بەرىپ تولەي الادى. تالداۋ بارىسىندا بەلگىلى بولعانداي, سوڭعى التى ايدا جولاۋشىلاردىڭ 51%-ى اقىنى Kaspi.kz ءموبيلدى قوسىمشاسى ارقىلى تولەگەن. ال 32-35%-ى كارتامەن ۆاليداتور ارقىلى تولەسە, 15-17%-ى قولما-قول اقشا بەردى», دەلىنگەن اقپاراتتا.
سونداي-اق باقىلاۋ جۇرگىزۋ ءۇشىن كونتروللەرلەر كۇن سايىن جەلىدە جۇمىس ىستەيدى. جول اقىسىن تولەمەگەندەرگە زاڭ شەڭبەرىندە ايىپپۇل سالىنادى.