اليمەنت تولەمەۋدىڭ نەگىزگى سەبەبى – بورىشكەرلەردىڭ جۇمىسقا ورنالاسپاۋى, تۇراقتى تابىستىڭ بولماۋى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى, دەپ جازادى Egemen.kz.
«جاعدايدى شەشۋ ءۇشىن كاسىپكەرلەردى تارتا وتىرىپ 200-گە جۋىق بوس ورىندار جارمەڭكەسى ۇيىمداستىرىلدى. جۇمىسپەن قامتۋ ورگاندارىندا 20 مىڭ جۇمىسسىز بورىشكەر ەسەپكە الىندى, ونىڭ 9,5 مىڭى جۇمىسقا ورنالاستى. 500-دەن استام ءتۇرلى ىنتالاندىرۋ شارالارى وتكىزىلدى (اكتسيا, رەيد, الەۋمەتتىك روليك, بيلبوردتار جانە باسقالار)», دەلىنگەن حابارلامادا.
سونىمەن قاتار اليمەنت وندىرۋدەن جالتارعان 6 مىڭعا جۋىق بورىشكەر اكىمشىلىك جانە قىلمىستىق جاۋاپكەرشىلىككە تارتىلدى. 700 قاداعالاۋ اكتىسى بويىنشا تارتىپتىك جازادا 825 جەكە سوت ورىنداۋشى جازالاندى.
«جۇيەلى جانە كەشەندى شارالار قابىلداۋ ناتيجەسىندە پروبلەمالىق ءىس جۇرگىزۋلەردىڭ سانىن ۇشتەن بىرگە دەيىن قىسقارتۋعا مۇمكىندىك بەردى نەمەسە 75 مىڭنان 50 مىڭعا دەيىن. 140 مىڭ بالانىڭ پايداسىنا 23 ملرد تەڭگەگە قارىز وتەلدى, سونىمەن قاتار قارىز ەسەبىنە بورىشكەرلەردىڭ 322 مۇلكى ءوندىرىپ الۋشىلارعا بەرىلدى. بۇگىندە قارىز سوماسى 22 ملرد تەڭگەنى قۇرايدى», دەپ جازدى باس پروكۋراتۋرانىڭ ءباسپاسوز قىزمەتى.