تاۋەلسىزدىك كۇنى مەرەكەسى مەن جاڭا جىل مەيرامى قارساڭىندا جولاۋشىلار تاراپىنان پويىزدارعا سۇرانىس ەسەلەپ ارتاتىنى بەلگىلى. وسى سەبەپتى «جولاۋشىلار تاسىمالى» اق بىرنەشە باعىتتا قوسىمشا پويىزداردى شىعاردى, دەپ حابارلايدى Egemen.kz.
قوسىمشا پويىزدار مىنا باعىتتار بويىنشا قاتىنايدى:
- №201/202 «نۇر-سۇلتان 1-شىمكەنت» باعىتىندا - 2023 جىلدىڭ 15, 29 جەلتوقسانى جانە 2024 جىلدىڭ 1 قاڭتارىندا ەلوردادان 3 پويىز قاتىنايدى. ال شىمكەنتتەن بيىل 16, 30 جەلتوقسان مەن 2024 جىلدىڭ 2 قاڭتارىندا پويىز جۇرەدى.
- №203/204 «نۇر-سۇلتان نۇرلى جول-الماتى 2» باعىتىندا - وسى جىلدىڭ 15, 28, 29 جەلتوقسانىندا جانە 2024 جىلدىڭ 1, 2 قاڭتارىندا نۇرلى جول ۆوكزال كەشەنىنەن 5 پويىز جۇرەدى. ال الماتى 2 ۆوكزالىنان 16, 29, 30 جەلتوقسان جانە كەلەر 2024 جىلدىڭ 2, 3 قاڭتارىندا پويىزدار قاتىنايدى.
قۇرام ستاندارتتى كۋپە مەن پلاتسكارت ۆاگوندارىنان تۇرادى.
سونداي-اق №7510/7509 ەلەكتر پويىزىنىڭ استانادان پاۆلودار باعىتىندا قوسىمشا رەيستەرى قوسىلادى. پويىز ەلوردادان وسى جىلدىڭ 15, 29, 30 جەلتوقسانىندا, ال كەرى باعىتتا - بيىلعى جىلدىڭ 18 جەلتوقسانىندا جانە 2024 جىلدىڭ 2 قاڭتارىندا جۇرەدى.
بۇدان باسقا سۇرانىسى كوپ باعىتتار بويىنشا تەحنيكالىق مۇمكىندىك بولعان كەزدە جولاۋشىلار پويىزدارىنا قوسىمشا ۆاگوندار قوسىلادى.