الاياقتار الەۋمەتتىك جەلىدە پرەزيدەنت قاسىم-جومارت توقاەۆتىڭ سۋرەتىن پايدالانا وتىرىپ, تاعى ءبىر فەيك تاراتىپ جاتىر, دەپ حابارلايدى Egemen.kz.
Stopfake.kz مالىمەتىنشە, Facebook-تە قر پرەزيدەنتىنىڭ سۋرەتىن جۇكتەي وتىرىپ, الاياقتار جالعان اقپارات تاراتۋدا. قاسىم-جومارت توقاەۆتىڭ اتىنان الاياقتار ءاربىر قازاقستان ازاماتىنا الەۋمەتتىك تولەم تولەۋدى ۋادە ەتەدى.
فەيك انىق بولۋى ءۇشىن قامىس-جومارت توقاەۆتىڭ سۋرەتىن دە جازبادا پايدالانادى. الايدا قازاقستاننىڭ مەملەكەتتىك ورگاندارىنىڭ سايتتارىندا, ونىڭ ىشىندە قر پرەزيدەنتىنىڭ akorda.kz سايتىندا مۇنداي تولەمدەر تۋرالى رەسمي اقپارات جوق. بۇل تۋرالى بۇقارالىق اقپارات قۇرالدارىندا دا حابارلانبادى.
"اتالعان اقپاراتتى جاريالاعان "وتەماقى ورتالىعى" دەپ اتالاتىن اككاۋنتتا فەيك پاراقشانىڭ بارلىق بەلگىلەرى بايقالادى. پروفيلدە كەلتىرىلگەن مالىمەتتەردە +52 كودى بار بايلانىس تەلەفونى جازىلعان, بۇل مەكسيكانىڭ كودى. ال سۋرەتكە قازاقستاننىڭ ەلتاڭباسى قويىلعان. بىراق جاريالانىمدار لەنتاسىندا ونىڭ ورنىندا بۇرىن بەلارۋس رەسپۋبليكاسىنىڭ ەلتاڭباسى بولعانىن كورۋگە بولادى. بۇل كيبەرقىلمىسكەرلەردىڭ ارەكەتى", دەپ ناقتىلايدى Stopfake.kz.
"وتەماقى ورتالىعى" ارقىلى وتەماقى تولەۋ – بۇل ەسكى الاياقتىق سحەما, قر مەملەكەتتىك تەحنيكالىق قىزمەتىنىڭ KZ-CERT ساراپشىلارى ول تۋرالى 2020 جىلى حالىققا ەسكەرتكەن بولاتىن. دەمەك, تارالعان اقپاراتقا سەنبەگەن ءجون.