كريشتيانۋ رونالدۋ الەمدىك رەكورد ورناتىپ, تاريحقا ەندى

ساۋد ارابياسىنىڭ ال-ناسر كومانداسىنىڭ جانە پورتۋگاليا قۇراماسىنىڭ شابۋىلشىسى كريشتيانۋ رونالدۋ جاڭا الەمدىك رەكورد ورناتتى, دەپ حابارلايدى Egemen.kz.

Vesti.kz-ءتىڭ جازۋىنشا, بۇل ماڭىزدى وقيعا ساۋد ارابياسى چەمپيوناتىنىڭ 14-ءشى تۋرىنداعى «ال-احۋد» كومانداسىنا قارسى وتكەن ويىننان (3:0) كەيىن بولدى. وسى كەزدەسۋدە رونالدۋ دۋبل جاسادى. اسىرەسە, پورتۋگاليالىقتىڭ سوققان ەكىنشى گولى كەرەمەت بولدى.

بۇل دۋبل 38 جاستاعى كريشتيانۋعا تاعى ءبىر جەتىستىككە جەتۋگە مۇمكىندىك بەردى: قازىر ونىڭ ۇلتتىق ديۆيزيونداردا سوققان 527 گولى بار. رونالدۋ فۋتبول تاريحىنداعى جوعارعى ليگالاردا ەڭ كوپ گول سوققان العاشقى ويىنشى بولدى.

وسىلايشا, پورتۋگاليالىق بۇل كورسەتكىش بويىنشا 1931-1957 جىلدار ارالىعىندا اۆستريا مەن چەحوسلوۆاكيا چەمپيوناتتارىندا ونەر كورسەتىپ, 526 گول سوققان شابۋىلشى يوزەف بيكاندى باسىپ وزدى.

كلۋب بويىنشا رونالدۋدىڭ گول ستاتيستيكاسى تومەندەگىدەي:

رەال مادريد – 311مانچەستەر يۋنايتەد – 103يۋۆەنتۋس – ء81ال-ناسر – 29سپورت – 3

ايتا كەتەيىك, رونالدۋ - رەسمي ماتچتاردا, ۇلتتىق قۇرامالاردا, ەۋروپا چەمپيوناتتارىندا, كلۋبتىق دەڭگەيدەگى حالىقارالىق ماتچتاردا, ۋەفا چەمپيوندار ليگاسىندا, كلۋبتار اراسىنداعى الەم چەمپيوناتىندا فۋتبول تاريحىنداعى ۇزدىك بومباردير.