قازاقستاندا تۇراتىن قارجىگەر پەريزات باۋىرجان ءبىر ايدا قارىزدان قۇتىلاتىن فورمۋلانى جاريا ەتتى, دەپ حابارلايدى Egemen.kz.
"كوپ وتباسىندا "قارىزدان قالاي قۇتىلامىن؟ قالاي قارجىلىق ەركىندىككە جەتەمىن؟ قالاي قارجىلاي ساۋاتتى بولامىن؟" دەگەن سۇراقتار سوڭعى كەزدە كادىمگىدەي وزەكتى بولىپ جاتىر.
بىراق كەيبىر ادامدار مەنىڭ الدىما كەلگەندە "ماعان ءبىر ايدا قارىزىمنان قۇتىلاتىن ءبىر نارسە, ءبىر فورمۋلا بەرىڭىزشى" دەيدى. الايدا, ءسىز ەرتەرەك قارىزدان قۇتىلىپ, قارجىلاي ەركىندىككە شىعۋ ءۇشىن بىتپەي جاتقان كىشكەنتاي ىستەردىڭ ءبارىن جاساۋ كەرەك. ول - كىرىس پەن شىعىستى جازۋ, ەرتەڭگى كۇنگى اقشانى جوسپارلاۋ", دەپ جازدى Massaget.kz قارجىگەردىڭ ءسوزىن.
پەريزات باۋىرجاننىڭ پايىمىنشا, وسىلايشا ۇلكەن نارسە كەلۋى ءۇشىن الدىمەن بىتپەي جاتقان ىستەردى ءبىتىرۋ كەرەك.
"مىسالى, سىزدە ۆاننادا ساسىق سۋ كەلدى دەلىك. ياعني, سۋبىتەرى جابىلىپ قالعان. ونى قانشا تازالاپ, جاڭا سۋ قۇيعانىمەن, سۋدىڭ ءتۇسى وزگەرمەيدى. ءبىز سۋبىتەرىن سۋىرىپ العان كەزدە جامان نارسەلەر اعىپ كەتەدى. سودان كەيىن عانا ونىڭ ورنىن تازالاپ, جاڭا نارسەنى قۇياتىن بولامىز. سول سياقتى, ءبىزدىڭ جۇمىسىمىز تەزىرەك العا باسسىن دەسەك, كىشكەنتاي دۇنيەلەردى رەتتەپ الۋىمىز كەرەك. ال ءبىز قازىرگى كەزدە ءبارىن وقىپ جاتىرمىز, قارىزدان قۇتىلۋدى دا وقىپ جاتىرمىز. بىراق بىزدە مىناداي ىستەلمەي جاتقان كىشكەنتاي ارەكەتتەر بار. قاراپايىم كىرىس پەن شىعىستى جازباي ءجۇرمىز. ونداي كەزدە بىزگە ۇلكەن نارسە قايدان كەلسىن؟", دەيدى مامان.