شىمكەنت پوليتسيا قىزمەتكەرلەرى جاڭا تۋعان نارەستەنى ساتۋ فاكتىسىن انىقتادى. بۇل تۋرالى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسشىسى قانات نۇرماعامبەتوۆ مالىمدەدى, دەپ حابارلايدى Egemen.kz.
ونىڭ ايتۋىنشا, ۇيىمداسقان قىلمىسقا قارسى كۇرەس دەپارتامەنتىنىڭ (ۇققد) قىزمەتكەرلەرى 23 جاستاعى جاس كەلىنشەكتىڭ بالاسىنا ساتىپ الۋشى ىزدەپ, دەلدال ارقىلى باسقا وبلىستىڭ 45 جاستاعى تۇرعىنىن تاۋىپ العانىن انىقتادى.
«اتالعان فاكتى قر قك 135-بابى «كامەلەتكە تولماعانداردى ساۋدالاۋ» بويىنشا تىركەلىپ, سوتقا دەيىنگى تەرگەۋ باستالدى. نارەستە بالالار ۇيىنە تاپسىرىلدى», دەدى قانات نۇرماعامبەتوۆ ىشكى ىستەر مينيسترلىگىندە وتكەن بريفينگتە.
سونداي-اق كۇدىكتىنىڭ بىرنەشە رەت الاياقتىق جاساعانى جانە كوپتەگەن قارىزى بار ەكەنى انىقتالدى. ايەل قازىر قاماۋعا الىندى.