سەمەيلىك ەڭبەك ءپانى مۇعالىمى رەكوردتار كىتابىنا ەندى

"حابار 24" تەلەارناسىنىڭ مالىمەتىنشە, باقىتجان شاپەنوۆا "الامان" قۇراق جوباسىنا قاتىسىپ, 500 مەترلىك كورپەنى تىگۋگە ءوز ۇلەسىن قوستى.

سايىسقا ەلىمىزدىڭ تۇكپىر-تۇكپىرىنەن 5 جاستان 85 جاسقا دەيىنگى 200 قۇراقشى قاتىسقان. شەبەردىڭ قولونەرمەن اينالىسقانىنا 30 جىلعا جۋىقتاعان. ول قالاداعى مەكتەپتەردىڭ بىرىندە ەڭبەك پانىنەن ساباق بەرەدى. ۇيىرمە اشىپ, وقۋشىلارعا قۇراق كورپە تىگۋدى ۇيرەتىپ ءجۇر.

"جوبا باستالىپ, 9 اي بويى جۇمىس جاسالىندى. جاڭاعى اۆتورىمىز بىزگە ءوزىنىڭ جۇمىس داپتەرىن جىبەردى. ەندى بارلىعىمىزدىكى ءبىر قولدان شىققانداي شىعۋى كەرەك قوي. سوندىقتان بارلىعى كەلىسىلىپ جاسالعان بولدى. 2,5 سانتيمەتر جولاقشادان قۇرالىپ تىگىلگەن. 133 بلوكتان تۇرادى. 133 بلوكتى قۇراستىرعان كەزدە قوشقارمۇيىز ويۋى شىعادى", - دەيدى مۇعالىم باقىتجان شاپەنوۆا.

"بۇنى ءبىز قىزدار 5-سىنىپتا قىزدار ءبارىمىز تىكتىك. بۇل - مەنىڭ العاشقى جۇمىسىم. ءوزىم تىككەن. مۇنى مەن اناما سىيلادىم. بىزگە مۇعالىم ۇيرەتتى", - دەيدى وقۋشى ءدىلناز جاقسىگەلدى.