قازىرگى تاڭدا شەتەلدىك كولىكتەرگە دەگەن سۇرانىس وتە كوپ. ويتكەنى جىلى جاڭا ءارى باعاسى دا كوپتىڭ قالتاسىنا سالماق سالمايدى. سوندىقتان بولار كوپ ادام ىشتە جۇرگەن كولىكتەرگە قاراعاندا, سىرتتان الدىرۋعا اۋەس, دەپ حابارلايدى Egemen.kz.
Uaqyt.info-نىڭ جازۋىنشا, ەلىمىزدە وسى سالادا قىزمەت كورسەتەتىن كومپانيالار دا بارشىلىق. بىراق ونىڭ بارلىعى تازا جۇمىس ىستەيدى دەپ ايتا المايمىز. سەبەبى شەتەلدەن كولىك الدىرامىز دەپ اۆتوالاياقتاردىڭ تورىنا تۇسكەندەردىڭ سانىندا ەسەپ جوق.
قازاقستاندىقتاردىڭ شەتەلدەن ساپالى, جاڭا نەمەسە ءجۇرىسى از كولىكتەردى ساتىپ الۋعا دەگەن سۇرانىسى ارتىپ بارادى. وسى ورايدا شەتەلدەن ساتىپ الاتىن كولىكتىڭ ءوز ەلىمىزگە تاڭداپ العان كۇيىندە جەتكىزىلۋىنە كەپىل بەرەتىن سەنىمدى كومپانيا تابۋ قيىن. ءتىپتى, اقشاسىن اۋدارىپ قويىپ, كولىگى جولدا جوعالىپ كەتەتىندەر مەن كولىك الاياقتارىنا الدانىپ قالاتىنداردىڭ دا ءجيى كورىنىس بەرىپ قالاتىنىن اقپارات قۇرالدارىنان وقىپ ءجۇرمىز.
سوندىقتان شەتەلدەن كولىك الدىراردا سەنىمدى كومپانيالارعا يەك ارتقان ءجون. “Kazak Auto Logistics” كومپانياسىنىڭ ديرەكتورى شىڭعىس قۇدايبەرديەۆتىڭ ايتۋىنشا, كوپ ادام الاياقتاردىڭ تورىنا كوبىنە الەۋمەتتىك جەلى ارقىلى تۇسەدى ەكەن.
“الاياقتىقتىڭ قازىر ءتۇرى وتە كوپ جانە ولار كۇن ساناپ جاڭا باعىتتا دامىپ جاتىر. سوڭعى جىلدارى شەتەلدەن كەلەتىن كولىكتەردىڭ اعىنى ارتتى. سوعان سايكەس اۆتوالاياقتاردىڭ دا سانى كوبەيىپ جاتىر. ولار كوبىنە الەۋمەتتىك جەلى ارقىلى, فەيك اككاۋنت, سايتتار ارقىلى جۇمىس ىستەيدى. اۋەلى ادامنىڭ كوزىن الداپ, كەيىن قالتاسىنا قول سالادى. كولىكتىڭ VIN كودىن اۋىستىرىپ, ساتاتىندار دا جەتەرلىك. سوندىقتان كولىكتى ساتىپ الماس بۇرىن VIN بەلگىسىن مۇقيات تەكسەرۋ قاجەت. شەتەلدەن كولىك اكەلىپ بەرەمىن دەگەن جالعان كومپانيالاردىڭ تورىنا تۇسكەندەر ەلىمىزدە وتە كوپ. ولارعا الدانباس ءۇشىن, ەڭ الدىمەن كومپانيانى ءجىتى تەكسەرىپ العان ابزال. قازاقستاندا قانشا فيليالى بار, وزگە مەملەكەتتەرمەن بايلانىسى بار ما, ءتىپتى الەۋمەتتىك جەلىدەگى پىكىرلەردى دە ەرىنبەي وقىپ شىعىڭىز”, دەيدى شىڭعىس قۇدايبەرديەۆ.
شىڭعىس قۇدايبەرديەۆ اۆتونارىق سالاسىندا 10 جىلدان استام قىزمەت اتقارعان بىلىكتى مامان. ول نەگىزىن قالاعان «Kazak Auto Logistics» كومپانياسى شەتەلدەن ساپالى, تومەن باعاداعى كولىكتەردى تاسىمالداۋمەن اينالىسادى.
ء“بىز الەمنىڭ بىرنەشە ەلىمەن تىعىز بايلانىستا جۇمىس ىستەيمىز. قازاقستانعا اقش, گرۋزيا, كورەيا, قحر, تمد, ءباا ەلدەرىنەن كولىك اكەلىپ, ساتىپ ءجۇرمىز. ءبىزدىڭ باستى ەرەكشەلىگىمىز - شەتەلدىك كولىكتى سول نارىقتان تاڭداپ الۋ, ساتىپ الۋدان باستاپ, ەلگە جەتكىزۋ, تىركەۋ, كەدەن تازارتپاسى, بروكەرلىك قىزمەتتىڭ بارلىق تۇرلەرى, قازاقستاندىق ءنومىر الۋعا دەيىنگى بارلىق قىزمەت تۇرلەرىن ۇسىنادى. سوندىقتان ەل ازاماتتارىنا ايتارىم, سىرتتان كولىك الدىراردا سەنىمدى كومپانيالاردىڭ عانا قىزمەتىنە جۇگىنىڭىز. ايتپەسە, الاياقتارعا جەم بولۋىڭىز مۇمكىن. ال ەگەر ءسىز تاڭداعان كومپانيا “تەك كولىكتى اكەلىپ بەرەمىز, قالعان شارۋانى ءوزىڭ رەتتەيسىڭ” دەسە, بىردەن باس تارتىڭىز”, - دەدى كومپانيا ديرەكتورى.