استانادا Maqsut Narikbayev University ءبىرىنشى كۋرس بىلىمگەرلەرىن ستۋدەنتتەر قاتارىنا قابىلداۋ كەشى ءوتتى. جاقسىلىق ۇشكەمپىروۆ اتىنداعى «جەكپە-جەك» سارايىندا وتكەن شاراعا اسحات ايماعامبەتوۆ, ايداربەك حودجانازاروۆ, ءلايلا سۇلتانقىزى, ەلنۇر بەيسەمباەۆ جانە تاعى باسقا تانىمال تۇلعالار قوناق بولىپ قاتىستى.
ءراسىم 1994 جىلدان بەرى ۇزدىكسىز وتكىزىلىپ كەلەدى, اتالعان شارا ۋنيۆەرسيتەتكە جاڭا ستۋدەنتتەردى قابىلداۋدىڭ ماڭىزدىلىعىن كورسەتەدى. بيىلعى سالتاناتتى شارا ۋنيۆەرسيتەتتىڭ كەلەر جىلى تويلاناتىن 30 جىلدىعىنا ورايلاستىرىپ, «30 جىل - بۇل تەك باستاما» دەگەن اتاۋمەن وتكىزىلدى.
سونداي-اق كەش باعدارلاماسى اياسىندا – قازاقستاننىڭ ەڭ ۇلكەن تۋىنىڭ اشىلۋ ءراسىمى ءوتتى. جىبەكتەن توقىلعان تۋدىڭ اۋدانى 80 شارشى مەتردى قۇراسا, سالماعى 60 كەلىگە جۋىق بولدى. اتالعان شارانىڭ حەدلاينەرى رەتىندە ەسترادا جۇلدىزدارى – قايرات نۇرتاس پەن داستان ورازبەكوۆ كورەرمەندەر الدىندا ونەر كورسەتتى. اۋقىمدى شاراعا بەس مىڭنان استام ادام قاتىستى.
شارا بارىسىندا ۋنيۆەرسيتەتتىڭ جوعارى مەكتەپتەرى الەۋمەتتىك جوبا مەن تەاترلىق قويىلىم بويىنشا ءوزارا سايىسقا ءتۇستى. ءادىل قازىلار القاسىنىڭ قۇرامىندا اراي ءالىمحان, اسەل اقپار, Amre, دينا تاجەنوۆا, دينا سانسىزباەۆا سىندى تانىمال تۇلعالار بولدى. جەڭگەن كوماندا ۇرپاقتان ۇرپاققا تابىستالىپ كەلە جاتقان كۋبوكتى يەلەندى. ايتا كەتسەك, ستۋدەنتتەر بۇل ءىس-شاراعا ءۇش اي بويى دايىندالعان.