كەشە عانا شۆەيتساريانىڭ نون قالاسىندا ۋەفا ۇلتتار ليگاسىنىڭ پلەي-وفف كەزەڭىنىڭ جەرەبەسى ءوتتى. ونىڭ قورىتىندىسى بويىنشا ەۋرو-2024 پلەي-وفف كەزەڭىنىڭ فينالدىق ويىندارىن قازاقستان قۇراماسى سىرت الاڭدا وتكىزەدى, دەپ حابارلايى Egemen.kz.
گرۋزيا – ليۋكسەمبۋرگ جۇبىنىڭ جەڭىمپازى فينالدىق ماتچىن ءوز الاڭىندا وتكىزەدى. ال جەڭىلگەن كوماندا گرەكيا – قازاقستان جۇبىنىڭ جەڭىلگەن قۇراماسىمەن ۇيدە جولداستىق ماتچ وتكىزەدى.
ەندىگى كەزەكتە قازاقستان قۇراماسىنىڭ مىندەتى اۋىر. ەۋروپا چەمپيوناتىنىڭ فينالدىق بولىگىنە گەرمانياعا بارۋ ءۇشىن الدىمەن 21 ناۋرىزدا افينادا گرەكيا قۇراماسىن جەڭۋ كەرەك. ودان كەيىن 26 ناۋرىزدا سىرت الاڭدا گرۋزيا-ليۋكسەمبۋرگ كوماندالارىنىڭ جەڭىمپازىمەن ويىن وتكىزەدى.
ەۋرو-2024 ءتۋرنيرىنىڭ قالعان ەكى جولداماسى ءۇشىن سەگىز كوماندا تالاسادى.
ايتا كەتەيىك, ەۋروپا چەمپيوناتى 2024 جىلدىڭ 14 ماۋسىمى مەن 14 شىلدەسى ارالىعىندا گەرمانيانىڭ 10 ستاديونىندا وتەدى. ەۋرو-2024 جەرەبە تارتۋ ءراسىمى 2 جەلتوقسانعا جوسپارلانعان.