قاراشا ايىنىڭ ورتاسىندا «حالىق داۋىسى» رەداكتسياسى جەرگىلىكتى تۇرعىنداردىڭ وتىنىشىمەن قاراوتكەل اۋىلدىق وكرۋگىنە باردى. جۋرناليستەر رۇقسات ەتىلمەگەن قوقىس ۇيىندىلەرىن, مەكتەپكە قاراما-قارسى ورنالاسقان كومىر قويماسىن جانە اكىم تالاپتان داۋىلتاەۆتىڭ اسفالتقا تۇكىرگەنىن جازىپ ۇلگەردى, دەپ حابارلايدى Egemen.kz.
رەداكتسيا ۇجىمى اۋىلدى ارالاپ ءجۇرىپ, اكىمنىڭ قاسىنداعىلارمەن بىرگە عيماراتتان شىعىپ, تەمەكى تۇتاتقانىن بايقايدى. مەملەكەتتىك قىزمەتكەر تەلەفونمەن سويلەسىپ, اكىمدىككە قاراما-قارسى اۋماقتى شولىپ شىعىپ, سول ماڭداعى بالالار الاڭىنا تۇكىرىپ كەتەدى.
تىلشىلەر تسەلينوگراد اۋداندىق ىشكى ىستەر بولىمىنە بەينە دالەلمەن ساۋال جولدادى.
«تسەلينوگراد اۋدانى بويىنشا پوليتسيا بولىمىنە تىركەلگەن ءوتىنىش قارالدى. اتالعان فاكتى بويىنشا قر اقبتك-ءنىڭ 434-2-بابىنىڭ 1-بولىگىمەن (قوعامدىق ورىنداردى, ساياباقتاردى, سكۆەرلەردى لاستاۋ, ونىڭ ىشىندە انىقتالماعان ورىندارعا كوممۋنالدىق قالدىقتاردى شىعارۋ) بويىنشا اكىمشىلىك حاتتاما تولتىرىلدى. قاراوتكەل اۋىلدىق وكرۋگىنىڭ اكىمى داۋىلتاەۆ تالاپتان قارشىعى ۇلىنا اكىمشىلىك شارا قولدانىلدى», دەپ جازدى پوليتسياداعىلار.