الەمدىك باق وكىلدەرىنىڭ قاتىسۋىمەن ايەلدەردىڭ تەننيس قاۋىمداستىعى (WTA) بيىلعى ماۋسىمنىڭ ەڭ ۇزدىك ويىنشىسىن انىقتاپ جاتىر.
جىل سايىن بەرىلەتىن ارنايى سىيلىقتان ۇمىتكەرلەر قاتارىندا ەلەنا رىباكينا دا بار. ەلىمىزدىڭ ءبىرىنشى راكەتكاسى ءۇشىن بيىلعى ماۋسىم ءساتتى بولدى دەپ ايتۋعا نەگىز بار. جىل باسىندا ول مەلبۋرندە ۇيىمداستىرىلعان اۋستراليا اشىق بىرىنشىلىگىنىڭ فينالىندا وينادى. ناۋرىز ايىندا ينديانا-ۋەللستەگى دودادا توپ جارىپ, ماياميدەگى جارىستىڭ اقتىق سىنىنا دەيىن جەتتى. مامىردا ريمدەگى تۋرنيردە تەڭدەسسىز دەپ تانىلدى. وسىدان بىرەر اپتا بۇرىن WTA-نىڭ قورىتىندى جارىسىندا ونەر كورسەتتى. ءتۇرلى تۋرنيردە ەلەنا الەمدىك رەيتينگتە كوش باستاپ تۇرعان يگا سۆەنتەكتى ءبىر ەمەس, بىرنەشە مارتە ۇتتى. قازىرگى كەزدە جەرلەسىمىز ۇزدىكتەر تىزىمىندە ءتورتىنشى ورىندى يەلەنىپ تۇر.
ەلەنا رىباكينادان بولەك, ارنايى سىيلىقتان ۇمىتتىلەر قاتارىندا پولشالىق يگا سۆەنتەك, بەلورۋسسيالىق ارينا سوبولەنكو, امەريكالىق كوري گاۋفف پەن دجەسسيكا پەگۋلا, چەحيالىق ماركەتا ۆوندروۋشوۆا بار.