كەزىندە UFC-دە ونەر كورسەتكەن جالعاس جۇماعۇلوۆتىڭ الەمنىڭ ەڭ بەلدى پروموۋشەنىندە جولى بولماعانى بەلگىلى. 2020-2023 جىلدار ارالىعىندا جەتى مارتە وكتاگونعا شىققان ول التى رەت جەڭىلىس تاپتى.
ەلگە ورالعان قازاق فايتەرى وتاندىق «نايزا» پروموۋشەنى ۇيىمداستىراتىن تۋرنيرلەرىندە كۇش سىناسۋعا بەل بۋدى. 6 جەلتوقساندا استانادا جالعاس ياگو «پيتبۋل» ريبەيرومەن ايقاسۋعا ءتيىس ەدى. بىراق وتكەن اپتانىڭ سوڭىندا برازيليا سپورتشىسىنىڭ كوزىنە وپەراتسيا جاساتقان ەكەن. سول سەبەپتى دە ول ەلورداداعى جارىسقا قاتىسپايدى. جوعارىداعى جاعدايدان قۇلاعدار بولعان بەتتە ۇيىمداستىرۋشىلار ريبەيرونى دەرەۋ جاپونيالىق ماساتا ناكامۋرامەن الماستىردى. 26 جاستاعى كۇنشىعىس ەلى وكىلىنىڭ ارالاس جەكپە-جەكتى سەرىك ەتكەلى بەس جىلدان استى. سول ارالىقتا 16 كەزدەسۋ وتكىزىپ, 9 رەت جەڭىسكە جەتتى. سونىڭ ۇشەۋىندە عانا ناكمۋرا ايقىن باسىمدىق تانىتتى. نەگىزىنەن ول جاپونياداعى ەڭ بەلدى ۇيىمداردىڭ ءبىرى – DEEP-تە ونەر كورسەتتى.
35 جاستاعى جۇماعۇلوۆ 2014 جىلدان بەرى 23 جەكپە-جەك وتكىزىپ, 14 رەت مەرەيى ۇستەم بولدى. سەگىز سايىستى قازاق فايتەرى مەرزىمىنەن بۇرىن اياقتادى. ءبىر وكىنىشتىسى, سوڭعى ءتورت باسەكەدە ول قارسىلاستارىنا جول بەردى.