استانانىڭ «بارىسى» قۇرلىقتىق حوككەي ليگاسىنداعى (قحل) كەزەكتى كەزدەسۋىن تومەنگى نوۆگورود قالاسىندا جەرگىلىكتى «تورپەدوعا» قارسى وتكىزدى.
باسەكە باستالعان بەتتە قوس كوماندا ەش اڭدىسپاستان الما-كەزەك شابۋىل ۇيىمداستىرىپ, ءبىر-ءبىرىنىڭ قاقپاسىنا ءبىر-ءبىر گولدان سوقتى. 2-مينۋتتا گونچاروۆ ايدىن يەلەرىن العا شىعارسا, 4-مينۋتتا اركادي شەستاكوۆ تارازى باسىن تەڭەستىردى. ۇزىلىستەن كەيىن «تورپەدونىڭ» ويىنشىلارى قارقىنىن كۇشەيتىپ, ءبىزدىڭ ايماقتان شىقپادى. ناتيجەسىندە, اندرەي شۋتوۆ قورعاعان قاقپاعا ولار ءۇش شايبا توعىتتى. بۇل گولداردىڭ اۆتورلارى – ۆاسيلي اتاناسوۆ (30-مينۋت), ماكسيم لەتۋنوۆ (38-مينۋت) جانە ۆلاديسلاۆ فيرستوۆ (40-مينۋت). ءۇشىنشى كەزەڭ بەل ورتادان اۋعان تۇستا رۋدولف چەرۆەني ەسەپ ايىرماشىلىعىن قىسقارتتى. قورىتىندى ەسەپ – 4:2.
قاتارىنان ءۇشىنشى كەزدەسۋىندە جەڭىلىس تاپقان «بارىس» كحل-داعى 23 كوماندانىڭ اراسىنان تەك ۆلاديۆوستوكتىڭ «ادميرالىنان» عانا وزىپ تۇر.