كەلەسى جىلى ەلىمىزدە زەينەتاقى تولەمدەرى قانشا تەڭگەگە وسەدى

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمدەۋىنشە, مەملەكەتتىك بازالىق زەينەتاقى مولشەرى دە 7%-عا ارتادى.

زەينەتاقىنى كوتەرۋ ينفلياتسيا دەڭگەيىنە بايلانىستى, ۇكىمەتتىڭ بولجامى بويىنشا ينفلياتسيا 6-8% ارالىعىندا بولادى.ەڭ تومەنگى زەينەتاقى مولشەرى 57 853 تەڭگە, ال ەڭ تومەنگى بازالىق زەينەتاقى تولەمى 28 215 تەڭگە بولادى دەپ كۇتىلەدى. جاس بويىنشا بەرىلەتىن زەينەتاقىنىڭ ەڭ جوعارى مولشەرى 152 295 تەڭگە بولادى.

“ەڭ تومەنگى بازالىق زەينەتاقى 2024 جىلى 60-تان 65 پايىزعا دەيىن وسەدى. بازالىق زەينەتاقىنىڭ ەڭ جوعارى مولشەرى 100-دەن 105 پايىزعا دەيىن ارتادى. بۇل ءومىر ءسۇرۋ قۇنىنا بايلانىستى”, – دەيدى ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك قامسىزداندىرۋ جانە ساقتاندىرۋ دەپارتامەنتىنىڭ ساراپشىسى ايجان مۋسينا.

ينفلياتسيانىڭ ناقتى دەڭگەيىن ەسكەرە وتىرىپ, زەينەتاقى تولەمدەرى كەمىندە 20 پايىزعا ارتۋى ءتيىس, دەيدى ساراپشىلار. سەبەبى سوڭعى جىلدارى ازىق-ت ۇلىك سەبەتى ەكى ەسە قىمباتتاعان.

“ەڭ دۇرىسى, زەينەتكەرلەردى الەۋمەتتىك قامتاماسىز ەتۋ ماسەلەسىن شەشۋ كەرەك. ءبىزدىڭ زەينەتكەرلەر – حالىقتىڭ ەڭ وسال جانە كەدەي بولىگىنىڭ ءبىرى. بۇل بارلىق جەردە دەرلىك سونداي ەكەنىن ايتۋ كەرەك”, – دەيدى قارجى ساراپشىسى ارمان باسەمباەۆ.