تاراز قالاسىندا توتەنشە جاعدايلار دەپارتامەنتىنىڭ لاۋازىمدى تۇلعالارى توبەلەسىپ, ءبىر ادام قازا تاپتى, دەپ حابارلايدى Egemen.kz.
كتك تەلەارناسىنىڭ مالىمەتىنشە, وقيعا جۇما كۇنى تاڭعى ساعات التى شاماسىندا, قالاداعى "لاۋرا" قوناقۇيىنىڭ ماڭىندا بولعان.
الەۋمەتتىك جەلىدە تاراعان ۆيدەودا ەر ادامنىڭ قاتتى سوققى الىپ, قۇلاعانى بايقالادى. سوققى العان ەر ادام جەدەل جاردەم كەلگەنشە وقيعا ورىندا جان تاپسىرعان.
قازا تاپقان ەر ادامنىڭ قالاداعى توتەنشە جاعدايلار دەپارتامەنتىنە قاراستى ءورت ءسوندىرۋ جانە قۇتقارۋ قىزمەتىنىڭ ءبولىم باسشىسى ەكەنى انىقتالدى. ال سوققى جاساعان ەر ادام بولسا, №1 مامانداندىرىلعان ءورت ءسوندىرۋ ءبولىمىنىڭ باسشىسى بولىپ شىقتى.
كۇدىكتى ۇستالىپ, قىلمىسىن تولىق مويىندادى. وقيعا بويىنشا پوليتسيا قىزمەتكەرلەرى دە, توتەنشە جاعدايلار دەپارتامەنتى دە اقپارات بەرۋدەن باس تارتقان.
ايتا كەتەيىك, قازا تاپقان پودپولكوۆنيكتىڭ ارتىندا التى بالاسى قالدى.