استانادا Mega SilkWay ساۋدا ورتالىعى جانىندا قاتتى جەلدىڭ ەكپىنىنەن قورشاۋ قۇلادى. سالدارىنان ءبىر ايەل №2 كوپسالالى اۋرۋحاناعا جەتكىزىلدى, دەپ حابارلايدى Egemen.kz ەسىل اۋدانى اكىمدىگىنىڭ ءباسپاسوز قىزمەتىنە سىلتەمە جاساپ.
ال توتەنشە وقيعانىڭ بەينەجازباسى Astanovka98 telegram-ارناسىندا جاريالاندى.
اۋدان اكىمدىگىنىڭ ءباسپاسوز قىزمەتى باننەردى Mega SilkWay ساۋدا ورتالىعى ورناتقانىن مالىمدەدى.
"قاتتى جەل سالدارىنان باننەر مەن ونىڭ پلاستيكالىق جاقتاۋى ۇشىپ كەتكەن. ناتيجەسىندە 1954 جىلى تۋعان ازامات جاراقات الدى, ونىڭ كەۋدە جانە شىنتاق بۋىندارى كوگەرگەن. تۇرعىن №2 قالالىق كوپسالالى اۋرۋحاناعا جەتكىزىلدى. قازىرگى ۋاقىتتا قورشاۋعا ىلىنگەن باننەرلەر كەسىلىپ, الىنىپ تاستالدى, ويتكەنى ولار ءىسىنىپ, قورشاۋدى قۇلاتقان", - دەپ جازدى ۆەدومستۆو.
اۋدان اكىمدىگى استانالىقتاردى جارنامالىق قۇرىلىمدارعا, افيشالارعا جاقىن جەردە اباي بولۋعا جانە مۇمكىندىگىنشە ۇيدەن شىقپاۋعا شاقىردى.
سونداي-اق, الەۋمەتتىك جەلىلەردە قاتتى جەلدەن اۋدارىلعان كولىكتەر مەن قۇلاعان قاسبەتتەردىڭ فوتوسۋرەتتەرى جاريالانۋدا.