ەلوردادا بوكستان ءوتىپ جاتقان VI جازعى سپارتاكيادانىڭ جارتىلاي فينالدىق ايقاسى ءوتتى. ء تورت جىلدا ء بىر رەت وتەتىن دوداعا قاتىسۋشىلار اراسىنا بيىل التى بىردەي الەم چەمپيونى قوسىلىپ, بارلىعى دا فينالعا جەتتى.
ەرتەڭ سپارتاكيادانىڭ فينالدىق ايقاسىندا كورەرمەندەر 51 جانە 80 كەلىدە ايقاستى اسىعا كۇتەتىنى انىق. سەبەبى 51 كەلىدە الەم چەمپيونى توكيو جازعى وليمپياداسىنىڭ قولا جۇلدەگەرى ساكەن بيبوسىنوۆ 19 جاسىندا ەرەسەكتەر اراسىندا الەم چەمپيونى اتانعان سانجار تاشكەنبايعا قارسى ايقاسقا تۇسەدى. وزگە الەم چەمپيوندارى 48 كەلىدەگى تەمىرتاس ءجۇسىپوۆ پەن 57 كەلى سالماقتاعى ماحمۇد سابىرحان دا فينالعا ءوتتى. 80 كەلىدە دە ەكى بىردەي الەم چەمپيونىنىڭ جولى فينالدا ءتۇيىستى. بەكزات نۇرداۋلەتوۆ پەن نۇربەك ورالباي وسى سالماقتىڭ التىن مەدالى ءۇشىن تارتىسادى.
جۋىردا تۋريزم جانە سپورت ءمينيسترى بوكس فەدەراتسياسىنىڭ باسشىلىعى مەن ۇلتتىق قۇرامالاردىڭ باپكەرلەر قۇرامىن قابىلداپ جازعى ازيا ويىندارىنداعى ناتيجەنى تالقىلادى. ۇلتتىق قۇراما بوكسشىلارىنىڭ فيزيكالىق دايىندىعى كەم سوعىپ تۇرعانىن, ەكىنشى راۋندتان سوڭ القىنىپ قالاتىنىن ايتتى. پاريجدە وتەتىن جاعى وليمپيادا ويىندارىندا التىن مەدال الۋ اماناتى وسى بوكسشىلارعا ارتىلاتىنى ءسوزسىز. مىرزاعالي ايتجانوۆ ەندى كەلەسى جىلى يتاليادا سودان كەيىن تايلاند ەلىندە وتەتىن ليتسەنزيالىق تۋرنيرگە كىمدەردى قوساتىنىن ەرتەڭگى فينالدىق جەكپە-جەكتەن كەيىن شەگەندەۋى مۇمكىن.