ءبىز جەڭدىك! قازاقستان قۇراماسى ەۋروپا چەمپيوناتىنا ءبىر قادام جاقىندادى

ەسەپ 3:1 بولدى. جەڭىستى ەسەلەگەن - ابات ايىمبەتوۆ.

ويىننىڭ ءبىرىنشى تايمىندا قازاقستاندىقتار 1:0 ەسەبىمەن جەڭىسكە جەتكەن بولاتىن. ەكىنشى تايمنىڭ العاشقى مينۋتتارىندا جەرلەستەرىمىز ەكىنشى گولىن سوقتى. الايدا, سان-مارينو ويىنشىلارىنىڭ ءبىر گولىن قاقپاسىنا وتكىزىپ الدى.

ايتا كەتەيىك, قازاقستان قۇراماسى سان-مارينومەن ويىنعا كەلەسى قۇراممەن شىقتى:

قاقپاشى: يگور شاتسكي (№12); قورعاۋشىلار: مارات بىستروۆ (№4), الەكساندر ماروچكين (№22), سەرگەي مالىي (№2), (№18) تيمۋر دوسماعامبەتوۆ , باعدات قايىروۆ (№13); جارتىلاي قورعاۋشىلار: رامازان ورازوۆ (№20), الەكساندر زۋەۆ (№19), ابزال بەيسەبەكوۆ (№21), يسلام چەسنوكوۆ (№9); شابۋىلشى: ابات ايىمبەتوۆ (№17).

وسى ويىنعا دەيىنگى تۋرنيرلەرگە كەلەتىن بولساق, قازاقستاننىڭ 15 ۇپايى بولسا, ەۋرو-2024 ىرىكتەۋ جولىنداعى باستى باسەكەلەستەرى سلوۆەنيا مەن دانيا قۇرامالارىنىڭ ارقايسىسىندا 19 ۇپايدان بار.

ايتپاقشى, دانيا مەن سلوۆەنيا جۇمادان سەنبىگە قاراعان ءتۇنى كوپەنگاگەندە ءوزارا وينايدى.