بوكستان جازعى سپارتاكيادا: جەتى سالماقتىڭ ناتيجەسى بەلگىلى

48 كەلى سالماق دارەجەسىندە اقمولا وبلىسىنىڭ  بوكسشىسى, الەم چەمپيونى تەمىرتاس ءجۇسىپوۆ شيرەك فينالدا  تۇركىستان وبلىسىنىڭ ءۇمىتى  راۆشان تۇراقۇلوۆتى جەڭدى. بۇل سالماقتا جارتىلاي فينالعا  ەرنار قاراپ (اباي وبلىسى),  اسحات ءجۇسىپوۆ (استانا قالاسى),  ەرنۇر قايرات (الماتى قالاسى) ءوتىپ, سپارتاكيادانىڭ كەم دەگەندە قولا  مەدالىن ولجالايتىن مۇمكىندىككە يە بولدى.   

54 كەلى سالماقتا نۇرسۇلتان التىنبەك (قىزىلوردا وبلىسى),  تيمۋر قابدەشوۆ (اقمولا وبلىسى), كەنجە مۇرات ۇلى (الماتى وبلىسى),  داۋلەت مولداشەۆ (شقو) جارتىلاي فينالعا ءوتتى.

60 كەلىدە  تالعات سىرىمبەتوۆ (قاراعاندى وبلىسى),  بەيبارىس جەكسەن (جامبىل وبلىسى),  المات ءابدۋالي (جەتىسۋ وبلىسى),  رۋسلان كۇزەۋباەۆ (اباي وبلىسى)  جارتىلاي فينالدا جەكپە-جەككە تۇسەدى.

67 كەلىدە الەم چەمپيوناتىنىڭ  كۇمىس جۇلدەگەرى دۋلات بەكباۋوۆ (جامبىل وبلىسى),  اتىراۋ وبلىسىنىڭ بوكسشىسى  بەكبولات قۇرامىسوۆتى ايقىن باسىمدىقپەن جەڭگەن قوستاناي وبلىسىنىڭ بوكسشىسى  ەلنۇر ءسۇيىنباي  وسى سالماقتىڭ  كوشباسشىسى اتانۋعا ءۇمىتتى ەكەنىن اڭعارتىپ جارتىلاي فينالعا ءوتتى. باقتيار سماعۇلوۆ (پاۆلودار وبلىسى),  راحات سەيىتجان (ماڭعىستاۋ وبلىسى) جارتىلاي فينالعا جەتتى.

75 كەلى سالماق دارەجەسىندە   نۇرقانات رايىس (اتىراۋ وبلىسى) اباي وبلىسىنىڭ بوكسشىسى  ماقسات وتەگەنوۆتى 2-راۋندتا ايقىن جەڭدى.  نۇرقاناتتان بولەك جارتىلاي فينالدا  تيمۋر نۇرسەيىتوۆ ( ۇلىتاۋ وبلىسى),  ازامات بەكتاس (قىزىلوردا وبلىسى), دياس مولجىگىتوۆ (جامبىل وبلىسى)  جەكپە-جەككە تۇسەدى.

86 كەلىدە  شايمۇرات قۇسايىنوۆ ( پاۆلودار وبلىسى),  تەمىرلان مۇقاتاەۆ (استانا قالاسى),  بەكزات تاڭاتار (شىمكەنت قالاسى), ابزال قۇتتىبەكوۆ (تۇركىستان وبلىسى) سپارتاكيادانىڭ التىنى ءۇشىن جارىستى جالعاستىرادى. اسا اۋىر سالماقتا (+92 كەلى)  كاسىپقوي بوكستا باعىن سىناپ شىڭدالعان نۇرسۇلتان امانجولوۆ (جامبىل وبلىسى)  پاۆلودار وبلىسىنىڭ الىبى ولجاس بۇقاەۆقا ەسە جىبەرىپ مەدالدان قاعىلدى. جارتىلاي فينالعا نۇرلان ساپارباي (تۇركىستان وبلىسى),  دامير تويباي (الماتى قالاسى),  امانات سابىرعالي (اتىراۋ وبلىسى) شىقتى.

بۇگىن قالعان التى سالماق دارەجەسىندەگى شيرەك فينالدىق  ايقاس وتەدى.