17 قاراشادا سينوپتيكتەر ەلىمىزدىڭ 9 وبلىسىندا قولايسىز اۋا رايىنا بايلانىستى داۋىلدى ەسكەرتۋ جاريالادى, دەپ حابارلايدى Egemen.kz "قازگيدرومەت" رمك-عا سىلتەمە جاساپ.
قىزىلوردا وبلىسىنىڭ باتىسىندا تۇمان بولادى دەپ كۇتىلەدى. كۇندىز وبلىستىڭ شىعىسىندا وڭتۇستىك-شىعىستان, وڭتۇستىكتەن سوققان جەلدىڭ ەكپىنى 15-20 م/س قۇرايدى.
كۇندىز اتىراۋ وبلىسىنىڭ باتىسىندا, وڭتۇستىگىندە قاتتى جاڭبىر جاۋادى. تۇندە جانە تاڭەرتەڭ وبلىستىڭ باتىسىندا, سولتۇستىگىندە, وڭتۇستىگىندە تۇمان بولادى دەپ كۇتىلەدى. اتىراۋدا دا قاتتى جاڭبىر جاۋىپ, تۇندە جانە تاڭەرتەڭ تۇمان بولادى دەپ بولجانادى.
تۇندە جانە تاڭەرتەڭ ماڭعىستاۋ وبلىسىنىڭ باتىسىندا, وڭتۇستىگىندە, ورتالىعىندا تۇمان بولادى دەپ كۇتىلەدى. سولتۇستىك-شىعىستان سولتۇستىك-باتىسقا ويىسا سوققان جەلدىڭ ەكپىنى وبلىستىڭ باتىسىندا, ورتالىعىندا 15-20 م/س قۇرايدى. اقتاۋدا تاڭەرتەڭ تۇمان بولادى دەپ كۇتىلەدى. سولتۇستىك-شىعىستان سولتۇستىك-باتىسقا ويىسا سوققان جەلدىڭ ەكپىنى - 15-20 م/س.
تۇندە اقتوبە وبلىسىنىڭ سولتۇستىگىندە كوكتايعاق بولادى دەپ كۇتىلەدى. وبلىستىڭ سولتۇستىگىندە, شىعىسىندا تۇمان بولۋى ىقتيمال.
تۇندە سولتۇستىك قازاقستان وبلىسىنىڭ باتىسىندا, وڭتۇستىگىندە, شىعىسىندا, كۇندىز وبلىستىڭ سولتۇستىگىندە, شىعىسىندا كوكتايعاق بولادى دەپ كۇتىلەدى. وبلىستىڭ باتىسىندا, وڭتۇستىگىندە تۇمان ءتۇسۋى ىقتيمال.
كۇندىز تۇركىستان وبلىسىنىڭ سولتۇستىگىندە, باتىسىندا وڭتۇستىكتەن, وڭتۇستىك-باتىستان 15-20 م/س, سونداي-اق تۇركىستاندا كۇندىز وڭتۇستىكتەن, وڭتۇستىك-باتىستان 15-20 م/س جىلدامدىقپەن جەل سوعادى.
اقمولا وبلىسىنىڭ باتىسىندا, سولتۇستىگىندە, شىعىسىندا تۇمان بولادى دەپ كۇتىلەدى. تۇندە جانە تاڭەرتەڭ وبلىستىڭ باتىسىندا, سولتۇستىگىندە كوكتايعاق بولۋى ىقتيمال. كوكشەتاۋدا تۇندە جانە تاڭەرتەڭ تۇمان بولادى دەپ كۇتىلەدى.
اباي وبلىسىنىڭ ورتالىعىندا, باتىسىندا, سولتۇستىگىندە وڭتۇستىك-شىعىستان, وڭتۇستىكتەن سوققان جەلدىڭ ەكپىنى 15-20 م/س, كەي تۇستا 23 م/س دەيىن جەتەدى دەپ كۇتىلەدى.
شىعىس قازاقستان وبلىسىنىڭ باتىسىندا, سولتۇستىگىندە, ورتالىعىندا شىعىستان, وڭتۇستىك-شىعىستان سوققان جەلدىڭ ەكپىنى 15-20 م/س, كەي تۇستا 23 م/س دەيىن جەتەدى دەپ بولجانادى.