اتىراۋلىق وتباسىنىڭ قۋانىشى

«التى الاش ءۇشىن اق تۇيە­نىڭ قارنى جارىلعان بۇل كۇن­نىڭ استارىندا مەملەكەتتىڭ جاڭا ەكونوميكالىق, ينفرا­قۇرىلىمدىق سىن-قاتەرلەردى ەڭسەرە الۋى مەن جاc ۇرپاقتىڭ دامۋى ءۇشىن قولايلى جاعداي جاساۋى جاتقانىندا ەش داۋ جوق. مەملەكەتتىك وتباسىلىق ساياسات­تىڭ باستى ماقساتى – ءومىر­دىڭ بارلىق سىناعىنا تويتارىس بەرە الاتىن ۇرپاق تاربيەلەۋ. مىنە, بۇگىن حالقىمىز 20 ميلليون ادامعا جەتتى. بۇل – سۇيىنشىلەيتىن اقجولتاي حابار! بۇل قۋانىش – ەلىمىزدىڭ كوك­جيەكتەن كورىنگەن قانداي دا ءبىر داۋىلدىڭ قۋاتىن, ەكپىنىن ەڭسەرىپ, بولاشاققا نىق قادام باسۋىنىڭ بەلگىسى», دەدى سەرىك شاپكەنوۆ.

«وتباسى بانك» اق وبلىستىق فيليالىنىڭ ديرەكتورى نۇرجان مۇعالىموۆ جۇماعازيەۆتەر وتباسىنا 2 ملن تەڭگەنىڭ سەرتيفيكاتىن تابىس ەتتى. بۇل قارجىنى بالانىڭ بولاشاقتاعى قاجەتتىلىگى ءۇشىن بانك دەپوزيتىنە سالىپ, مۇحاممادتىڭ وقۋىنا نەمەسە باس­پانا الۋىنا پايدالانادى.

مۇحامماد قوساي 14 قاراشادا دۇنيەگە كەلدى. بويى – 54 سم, سال­ماعى – 3 660 گرامم. تاريحي ساتتە قۋا­نىشىن جاسىرا الماعان اكەسى بەرىك جۇماعازيەۆ پەن اناسى ايدا­نا ورا­زىمبەتوۆا كورسەتىلگەن قۇر­مەت ءۇشىن ريزاشىلىق ءبىلدىردى.

«تاڭەرتەڭ الەۋمەتتىك جەلىدە ەلىمىزدىڭ 20 ميلليونىنشى ازاماتى ومىرگە كەلدى دەگەن جاڭالىقتى وقىدىم. ىشتەي مەنىڭ دە ۇلىم وسىلاردىڭ قاتارىندا عوي دەپ ويلادىم. ءدال سول ساتتە جۇبايىم حابارلاسىپ, قۋانىشتى جاڭالىقپەن ءبولىستى. ءبىزدىڭ ءتورت جىلدان بەرى اڭساپ كۇتكەن ءسابيىمىز ءوزىنىڭ نەسىبەسىن ەلىنىڭ بەرەكەسىمەن بىرگە اكەلدى. بولاشاقتا وتانىن سۇيگەن, ەلىنە, ۇلتىنا ادال قىزمەت ەتەتىن پەرزەنت بولسا ەكەن دەگەن تىلەگىم بار», دەدى بەرىك جۇماعازيەۆ.

اتىراۋ وبلىسى