الاش ارىسى, كەيىنگى جاستارعا زور سەنىم ارتقان ماعجان جۇماباەۆتىڭ 130 جىلدىعى اياسىندا وبلىس اكىمدىگى جاستار ساياساتى ماسەلەلەرى باسقارماسىنىڭ ۇيىمداستىرۋىمەن وزگە ەتنوس وكىلدەرى اراسىندا «ماعجان وقۋلارى» بايقاۋى ۇيىمداستىرىلدى. الداسپان اقىننىڭ شىعارماشىلىعىن ناسيحاتتاۋ ماقساتىندا قولعا الىنعان ءىس-شاراعا 35 جاسقا دەيىنگى جاستار قاتىستى.
ءتۇرى باسقا بولعانىمەن, تىلەگى ءبىر وزگە ەتنوس وكىلدەرىنىڭ ماعجان شىعارمالارىنا اسقان جاۋاپكەرشىلىكپەن قاراعانى كوڭىل قۋانتتى. قازاققا عانا ءتان دىبىستاردى تازا ايتقان 25 قاتىسۋشىنىڭ بارلىعى ماعجان پوەزياسىمەن تەرەڭنەن سۋسىنداعانى ايقىن اڭعارىلىپ تۇردى.
ماعجان مۇراسىن وزگە ەتنوس جاستارى اراسىندا كەڭىنەن ناسيحاتتاۋ ماقساتىندا ۇيىمداستىرىلعان ءىس-شارا بارىسىندا قاتىسۋشىلار الاش ارىسىنىڭ وننان اسا ولەڭىن مانەرلەپ وقىپ, كوپشىلىكتىڭ ىقىلاسىنا بولەندى.
بايقاۋ قورىتىندىسىندا ەرەكشە مانەرىمەن كوزگە تۇسكەن انەل ايداراليەۆا 1-ورىنعا يە بولسا, نارمينا كايا-وعلى مەن حامزا افلاتۋنوۆ 2-ورىندى ءبولىستى. دانيل پوليچۋك, سەۆيليا يبراگيموۆا ۇزدىك ۇشتىكتى تۇيىندەدى.
«قازاق ادەبيەتىنىڭ ماڭگى سونبەس جۇلدىزدارىنىڭ شىعارمالارىن جاستار جاتتاپ ءوسۋى كەرەك. سوندا عانا ولاردىڭ بويىندا ەلگە دەگەن قۇرمەت ارتا تۇسەدى. ماعجان اقىننىڭ مۇراسى قاي كەزدە دە ءوزىنىڭ قۇندىلىعىن جويمايدى. سول ءۇشىن دە وزگە ەتنوس وكىلدەرى اراسىندا وسىنداي بايقاۋ ۇيىمداستىرۋدى ءجون كوردىك. الداعى ۋاقىتتا دا الاش ارىستارىنىڭ شىعارماشىلىعىن كەيىنگى تولقىن اراسىندا ناسيحاتتاۋ جۇمىستارىن جالعاستىرا بەرەمىز», دەيدى وبلىس اكىمدىگى جاستار ساياساتى ماسەلەلەرى باسقارماسىنىڭ باسشىسى جومارت زۇلپىحار.
جامبىل وبلىسى