فۋتبولدان 2024 جىلعى ەۋروپا چەمپيوناتىنا ىرىكتەۋ كەزەڭىندەگى قازاقستان جانە سان-مارينو قۇرامالارى اراسىندا وتەتىن ويىننىڭ تورەشىلەرى انىقتالدى. 17 قاراشا كۇنى «استانا ارەنادا» وتەتىن ماڭىزدى ماتچقا اۆستريا تورەشىسى حارالد لەحنەر قازىلىق جاسايدى, دەپ حابارلايدى Egemen.kz.
ويىندا لەحنەرگە وتانداستارى اندرەاس حايندرايح پەن شتەفان پيحلەر كومەكتەسەدى, ءتورتىنشى تورەشى – سەباستيان گيسحامەر.
ايتا كەتەيىك, قازاقستان قۇراماسى 8 ويىننان كەيىن «ن» توبىندا 15 ۇپايمەن 3-ورىندا كەلەدى. سان-مارينودان كەيىن 20 قاراشا كۇنى سىرت الاڭدا سلوۆەنيامەن كەزدەسەدى.