الماتىدا اجەتحانادان تابىلعان ءسابيدى ەرلى-زايىپتىلار اسىراپ الدى, دەپ حابارلايدى Egemen.kz.
بالانى اسىراپ العاندار ۇزاق جىلداردان بەرى نەكەدە تۇرىپ, بالالى بولا الماعان. وتباسى نارەستەنى بالالار ءۇيىنىڭ بازاسىنان كورىپ, باسقا قالادان ارنايى كەلىپ الىپ كەتكەن.
بىلتىرعى تامىز ايىندا پوليتسيا قىزمەتكەرلەرى دارەتحانا شۇڭقىرىنا تاستاپ كەتكەن ءسابيدى امان الىپ قالعان بولاتىن.
ارتىنشا 17 جاستاعى كامەلەتكە تولماعان قىزدىڭ تۇسىك تاستاعانى بەلگىلى بولدى. سوت ۇكىمىمەن كامەلەتكە تولماعان انا كىنالى دەپ تانىلىپ, 8 اي باس بوستاندىعىن شەكتەۋ تۇرىندەگى جازا تاعايىندالدى.
«كوپ جىلدار بويى ولاردىڭ بالالارى بولعان جوق. 2021 جىلى اتا-انالار اسىراۋ مەكتەبىنەن ءوتىپ, 2023 جىلى كەلىپ, بالانى ۇناتىپ, باسقا قالاعا الىپ كەتتى. ول بالا اسىراپ الىنعاننان كەيىن التى اي ءبىزدىڭ باقىلاۋىمىزدا بولادى», دەدى قالالىق مامانداندىرىلعان بالالار ءۇيىنىڭ باس دارىگەرى ايدار مامەتوۆ.