الماتى قالاسىندا جەدەل جاردەم دارىگەرلەرىنە الدەبىر ەر ادام شابۋىل جاسادى, دەپ حابارلايدى Egemen.kz قالالىق دەنساۋلىق ساقتاۋ باسقارماسىنا سىلتەمە جاساپ.
ولارعا العاشىندا الماتى تۇرعىنى كومەك سۇراپ جۇگىنگەن.
"كەزەكتى قوڭىراۋدان قايتىپ كەلە جاتقان كەزدە ەر ادام جەدەل جاردەم قىزمەتكەرلەرىنە جاقىنداپ, ايەلگە كومەك كورسەتۋدى وتىنگەن. ايەلدى قاراۋ كەزىندە ەر ادام دارىگەر مەن فەلدشەردى ۇرىپ, ولاردىڭ دەنساۋلىعىنا زيان كەلتىرگەن", - دەپ جازدى الماتى دەنساۋلىق ساقتاۋ باسقارماسىنان.
قازىرگى ۋاقىتتا الاتاۋ اۋدانى پوليتسيا باسقارماسى زاڭسىز ارەكەتكە بارعان ازاماتقا قاتىستى پروتسەسسۋالدىق شەشىم قابىلداۋ ساتىسىندا.
"بۇگىندە زارداپ شەككەندەردىڭ جاعدايى قاناعاتتانارلىق, ولار امبۋلاتورلىق ەم الىپ جاتىر", - دەپ قوستى جاۋاپتى ۆەدومستۆودان.