ماگومەد اديەۆ باپتايتىن فۋتبولدان قازاقستان ۇلتتىق قۇراماسى كەلەسى جىلى وتەتىن ەۋروپا چەمپيوناتىنا ىرىكتەۋ تۋرى اياسىنداعى اقىرعى ەكى ماتچ ويىندارىنا قاتىسادى. 17 قاراشا كۇنى «استانا ارەنا» ستاديونىندا سان-مارينو فۋتبولشىلارىنا, 20 قاراشا كۇنى سىرت الاڭدا سلوۆەنيا ۇلتتىق قۇراماسىنا قارسى تارتىسقا تۇسەدى.
باس باپكەر ماڭىزدى ەكى ماتچقا دايارلىق وتكەرۋگە 27 فۋتبولشىنى شاقىرتتى. بىراق بۇل تىزىمگە قۇرامانىڭ كاپيتانى اسحات تاعىبەرگەن ەنگەن جوق. پرەمەر-ليگانىڭ كەزەكتى ماتچىندا («ورداباسى» – «شاحتەر») اياعىن سىندىرىپ, اۋىر جاراقات العان ساڭلاق ەكى ماتچقا دا قاتىسا المايتىن بولدى. «جىعىلعانعا جۇدىرىق» بولىپ, تۇركيانىڭ «بەشيكتاش» كلۋبىندا وينايتىن فۋتبولشىمىز, ۇلتتىق قۇراما ساپىندا ەڭ كوپ گول سوعىپ, مەرگەندەر كوشىن باستاپ تۇرعان باقتيەر زاينۋتدينوۆ تا اۋىر جاراقاتتاندى. دارىگەرلەر الداعى ەكى ويىنعا قاتىسۋعا رۇقسات بەرگەن جوق.
ۇلتتىق قۇراما ساپىنا شاقىرىلعان وزگە ويىنشىلار جاتتىعۋدى جالعاستىرىپ جاتىر. رەسەيلىك كلۋبتاردا وينايتىن ءنۇرالى ءالىپ, مارات بىستروۆ, لەۆ سكۆورتسوۆ جانە سلوۆەنيانىڭ «كوپەر» كلۋبىنداعى رامازان ورازوۆ ساپقا قوسىلىپ, ۇجىمدى نىعايتتى. ماڭىزدى ەكى ماتچتا قازاقستان قۇراماسى جەڭىسكە جەتسە, ەۋروپا چەمپيوناتىنا قاتىسۋ مۇمكىندىگى بۇيىرادى.