اسكەري قىزمەتشىنىڭ ولىمىنە قاتىستى قىزمەتتىك تەرگەۋ جۇرگىزىلىپ جاتىر, دەپ حابارلايدى Egemen.kz.
قر ۇلتتىق ۇلانى ءباسپاسوز قىزمەتى تاراتقان دەرەككە قاراعاندا, پەتروپاۆل قالاسىنداعى 6637 اسكەري ءبولىمىنىڭ كەلىسىمشارت بويىنشا اسكەري قىزمەتشىسى 12 قاراشادا ارىپتەسىنىڭ ابايسىزدا اتىلعان وعىنان جاراقات الدى. ول شۇعىل تۇردە مەديتسينالىق مەكەمەگە جەتكىزىلدى. الايدا, دارىگەرلەر اسكەري قىزمەتشىنى قۇتقارىپ قالا الماعان.
«قىزمەتتىك تەرگەۋ تاعايىندالدى, وقيعانىڭ ءمان-جايى انىقتالىپ جاتىر. ۇلتتىق ۇلاننىڭ باس قولباسشىلىعى قازا تاپقان اسكەري قىزمەتشىنىڭ تۋىستارىنا كوڭىل ايتادى», دەلىنگەن حابارلامادا.