«قتج-جۇك تاسىمالى» جشس-ءنىڭ بارلىق فيليالىندا لوكوموتيۆتەردى قىسقا دايىنداۋ جۇمىستارى اياقتالدى, دەپ حابارلايدى Egemen.kz «سامۇرىق - قازىنا» قورىنىڭ رەسمي Telegram - ارناسىنا سىلتەمە جاساپ.
تەكسەرۋ بارىسىندا قىسقى كەزەڭدەگى جۇمىسقا 1,4 مىڭنان استام لوكوموتيۆ دايىن ەكەنى انىقتالدى.
«لوكوموتيۆتەردىڭ تارتقىش جىلجىمالى قۇرام توراپتارى مەن جۇيەلەرى قىسقى جۇمىس رەجيمىنە اۋىستىرىلدى. سونداي-اق قاۋىپسىزدىك قۇرالدارى, ديزەل-گەنەراتور قوندىرعىلارى, تارتقىش ەلەكتر قوزعالتقىشتارى, قوسالقى جابدىقتار مەن اۆتوتەجەگىشتەر تەكسەرىلدى. لوكوموتيۆتەردىڭ تەحنيكالىق, ەستەتيكالىق, ورتكە قارسى, سانيتارلىق جاعدايلارى دا باقىلاندى. تەكسەرۋ جۇمىستارى وسى جىلدىڭ 10 قىركۇيەك - 10 قاراشا ارالىعىندا جۇرگىزىلدى», دەلىنگەن حابارلامادا.