نە ورنىمىز, نە اقشامىز جوق. التىن وردا بازارىندا تاعى شۋ شىقتى

ساۋداگەرلەردىڭ سوزىنشە, قۇرىلىس قىسقا دەيىن اياقتالۋعا ءتيىس بولعان. الايدا باسشىلىق اۋىسىپ كەتىپ, جازدان بەرى تۇرالاعان. ال بۇرىنعى ديرەكتور "العان اقشامىزدى قايتارمادى" دەپ وتىر. بۇل تۋرالى كتك تەلەارناسى حابارلادى.

ء"بىز مارجان دەگەن كاسسيرگە بەردىك. ول دانيار الپيەۆتىڭ كاسسيرى بولادى. سول كىسىگە اقشانى تاپسىردىق. بۇل جاقتا 300 ادام دۇڭگىرشەككە اقشا قۇيعان. جالپى 450 بۋتيك ساتىلعان ەكەن. ورتاشا 4 ميلليوننان قۇيعان. مەن 23,5 ميلليون تەڭگە قۇيدىم. اپكەم 18 ميلليون قۇيدى. سول سياقتى 9,8 ميلليون قۇيعاندار بار. 1 ميلليارد 600 ميلليون تەڭگە اقشا جيناعان", دەيدى كاسىپكەر ءاليا كوشبەسپاەۆا

ساۋداگەرلەردىڭ كوبى قازىر جۇمىسسىز ءجۇر. ولار اقشامىزدى قايتارسىن دەپ, قاراساي اۋداندىق پوليتسياسىنا دا بىرنەشە اي بۇرىن شاعىمدانعان. الايدا ءالى ناتيجە جوق.

"بەرىلگەن چەكتەردىڭ ءبارىنىڭ كوشىرمەسىن الىپ جاتىر. بىراق تا پروكۋراتۋرادان دا, قاراساي اۋدانىنىڭ سوت ورىندارى دا ەشقانداي ءىس قوزعاماي جاتىر. الپيەۆكە قاتىستى. قۇرىلىستى "كومپانيا نومەر ودين" موينىنا الىپ وتىر. وسى بۋتيكتەر سالىنسا, قىزدار ورنىن السا دەگەن ويدامىز", دەدى كاسىپكەر رايحان ايدارباەۆا

جاڭا كەلگەن باسشىلىق "قۇرىلىستى جالعاستىرۋعا قايتا كىرىسىپ جاتىرمىز" دەيدى. بۇرىنعى قۇرىلىس كومپانياسىمەن كەلىسىمشارت بۇزىلىپ, باسقاسىمەن كەلىسكەن.

"قازىر قۇرىلىس قانشا پايىزعا جۇرگىزىلدى, قانداي قۇرىلىس ماتەريالىمەن ىستەلگەنى تۋرالى سمەتا قۇجاتتارىن دايىنداۋ اياقتالدى. قۇرىلىس قولعا الىنىپ, ەندى بۇل مەنشىك يەسىنىڭ ءوز قالتاسىنان تولەنىپ, ءوزى قۇرىلىستى اياقتاۋعا كەپىلدىك بەردى", دەپ ءتۇسىندىردى "التىن وردا" بازارى اتقارۋشى كومپانياسىنىڭ زاڭگەرى ءىزبازار وتەۋلين.

ال بازاردىڭ بۇرىنعى باسشىسى دانيار الپيەۆتىڭ ادۆوكاتىنىڭ ايتۋىنشا, بۇل داۋدىڭ قۇقىقتىق نەگىزى جوق, كەلىسىمشارت بىرجاقتى بۇزىلعان.

"ول اقشانىڭ ءبارى تىكەلەي, ياعني الپيەۆتىڭ مەنشىگىندەگى "التىن وردا نيۋ كومپاني" كومپانياسى ەسەپشوتىنان بانك جۇيەسىمەن "كومپانيا نومەر ودين" جشس ەسەپشوتىنا تۇگەل كەلىپ تۇسكەن, ياعني ونى الپيەۆ الىپ قاشىپ كەتكەن جوق. ونى تىعىپ الىپ قالعان جوق. بۇل سونىمەن راستالىپ تۇر", دەدى زاڭگەر الىبەك الماباەۆ

ساۋداگەرلەردىڭ جازعان ارىزى قازىر قاراساي اۋدانى پوليتسيا بولىمىندە قارالىپ جاتىر. الماتى وبلىسى پوليتسياسى ءىستىڭ تىركەلگەنىن حابارلادى. ماسەلەنىڭ ءمان-جايىن قۇزىرلى ورگان انىقتايدى.