ايەلىن ءولتىردى دەگەن ايىپپەن ۇستالعان ەكس-مينيستر قۋاندىق بيشىمباەۆتىڭ بۇرىنعى ايەلى نازىم وقيعاعا قاتىستى پىكىر ءبىلدىردى, دەپ حابارلايدى Egemen.kz.
ء«يا, بۇل قورقىنىشتى ءتۇس. قوڭىراۋلار تۇسكەندە, نە بولىپ جاتقانىن مۇلدە تۇسىنبەدىم... شوك», دەدى بيشىمباەۆتىڭ بۇرىنعى ايەلى.
نازىمنىڭ ايتۋىنشا, ول قۋاندىق بيشىمباەۆپەن 14 جىل رەسمي نەكەدە بولعان. ەرلى-زايىپتىلار 2020 جىلى, ەكس-مينيستر تۇرمەدەن شىققاننان كەيىن ءبىر جىلدان سوڭ اجىراسقان. ولاردىڭ ءۇش بالاسى بار.
ء«بىز 2020 جىلدىڭ 5 قازانىنان باستاپ رەسمي تۇردە اجىراسقانبىز, بىرگە ءومىر سۇرگەن جوقپىز. بالالارعا قاتىستى جاعدايدا سيرەك ارالاساتىنبىز. بۇل قايعىلى وقيعا, سالتاناتتىڭ وتباسىنا كوڭىل ايتامىن», دەدى قۋاندىقتىڭ بۇرىنعى ايەلى نازىم بيشىمباەۆا.
ايتا كەتەيىك, كەشە استاناداعى باۋ رەستورانىندا 20:30 شاماسىندا بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ءوزىنىڭ زايىبىن سوققىعا جىققان. ايەل ادام جەدەل جاردەم كەلگەنشە جان تاپسىردى. قازىر ەكس-شەنەۋنىك قاماۋدا وتىر.