زايسان قالاسىندا ەركىن كۇرەستەن 2009-2010 جىلدارى تۋعان جاسوسپىرىمدەر اراسىندا ەركىن كۇرەستىڭ نەگىزىن قالاعان ارداگەر جاتتىقتىرۋشى دوسمۇحامبەت حاسەنوۆتى ەسكە الۋعا ارنالعان وبلىستىق اشىق تۋرنير ءوتتى. وعان جەتىسۋ وبلىسىنان, استانا مەن سەمەي قالالارىنان, وبلىستىڭ اۋداندارى مەن قالالارىنان بارلىعى 230 بالعىن بالۋان قاتىستى.
ءتۋرنيردىڭ اشىلۋ سالتاناتىندا اۋدان اكىمى اەليتا احمەتسالىمقىزى قاتىسۋشىلاردى قۇتتىقتاپ, قىسقاشا ءسوز سويلەدى. بۇگىنگى جاسوسپىرىمدەردىڭ ەرتەڭ وليمپيادا چەمپيوندارى اتانۋىنا تىلەكتەستىگىن ءبىلدىردى.
شاكىرتىن ەسكە الۋعا ارنالعان تۋرنيرگە پاۆلوداردان د.حاسەنوۆتىڭ باپكەرى, قازاقستاننىڭ ەڭبەك سىڭىرگەن جاتتىقتىرۋشىسى نادىر ءادىلحانوۆ ارنايى كەلدى. اتاقتى بالۋان ءجانادىل اتاەۆ, اۋداندىق ءماسليحاتتىڭ حاتشىسى ەركەبۇلان زاعىپاروۆ, الەمنىڭ ەكى دۇركىن جۇلدەگەرى, قازاقستاننىڭ التى دۇركىن چەمپيونى ازامات داۋلەتبەكوۆ بالعىن بالۋانداردى قۇتتىقتادى. د.حاسەنوۆتىڭ كوزىن كورگەن اعالارى مەن دوستارى, سوناۋ استانا مەن الماتىدان, وسكەمەننەن ات تەرلەتىپ كەلگەن قادىلبەك سماعۇلوۆ, قازىبەك سماعۇلوۆ, مارات ساۋحاتوۆ ونىڭ سپورتقا سىڭىرگەن ەڭبەگى تۋرالى تەبىرەنە ايتتى.
بەلدەسۋلەر اسا تارتىستى ءوتتى. ءوز سالماق دارەجەلەرى بويىنشا ومار جاڭگىرحان, الەم تولەۋبەكوۆ, ءامىر امىربەك, سابىرجان راحاتوۆ, مۇرات تەمىرلان, ماعىنا باقىتنۇر, نۇرلىبەك ءنۇرالى, سامات دوسىم ۇلى, اسىلبەك ورازباەۆ, ايبەك ءىلياس ۇلى چەمپيون اتاندى. زايساندىقتار اراسىنان جانات دارىن, ارسەن التىنبەك ۇلى, نۇرعالىم داۋلەتبەك ۇلى, باتىر سەرىكبول ۇلى, تاعى باسقالار جۇلدەلى ورىندارعا يە بولدى. جەڭىمپازدار مەن جۇلدەگەرلەر اقشالاي ماراپاتتالدى.
زايسان اۋدانى بالۋاندارىن قورعاۋعا ارنالعان «زايسان جايساڭدارى» دەگەن قور اشىلدى. ونىڭ توراعاسى بولعان كەنجەبەك ماكەنوۆكە د.حاسەنوۆتىڭ دوستارى ات مىنگىزدى.
وڭداسىن ەلۋباي,
جۋرناليست
شىعىس قازاقستان وبلىسى