كەشە, 6 قاراشادا ديماش قۇدايبەرگەن بىرىككەن ۇلتتار ۇيىمىنىڭ جەنەۆالىق فيليالىنىڭ باسشىسى تاتيانا ۆالوۆامەن كەزدەستى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى, دەپ حابارلايدى Egemen.kz.
«كەزدەسۋ بارىسىندا ءبىز بىرلەسكەن جوبالاردىڭ كەلەشەگىن تالقىلادىق. سونداي-اق بەلگىلى تۇلعالاردىڭ امبەباپ ادامي قۇندىلىقتاردى, بەيبىتشىلىك پەن ءوزارا تۇسىنىستىك يدەيالارىن ىلگەرىلەتۋدە ەرەكشە ءرول اتقارا الاتىنىن اتاپ وتتىك.ء بىز ۇلتتار سارايىندا بولىپ, جەنەۆا كىتاپحاناسى مەن بۇۇ مۇراعاتتارىنداعى ونەر تۋىندىلارىمەن, تاريحي قۇجاتتارمەن جانە نىساندارمەن تانىستىق», دەپ جازدى ديماش. كەيىنىرەك ۋيلسون سارايىندا بۇۇ-نىڭ ادام قۇقىقتارى جونىندەگى باسقارماسىندا جانە حالىقارالىق كوشى-قون ۇيىمىنىڭ شتاب-پاتەرىندە كەزدەسۋلەر ءوتتى.«قازاقستاننىڭ بۇۇ جانىنداعى جەنەۆاداعى تۇراقتى وكىلدىگىنە بارىپ, قىزمەتكەرلەرمەن جانە ولاردىڭ وتباسى مۇشەلەرىمەن كەزدەستىم. تۇراقتى وكىل ەرلان الىمباەۆپەن كەزدەسۋ بارىسىندا مەن جەنەۆا الاڭىنداعى جۇمىستا قازاقستاننىڭ باسىم باعىتتارىمەن تانىستىم», دەپ جازدى ءانشى.