استانا قالاسىنىڭ دەنساۋلىق ساقتاۋ باسقارماسى يرينا كايراتوۆنا توبىنىڭ كونتسەرتى كەزىندە كوز جۇمعان 21 جاستاعى موبيلوگرافتىڭ ءولىمىنىڭ سەبەبىن اتادى, دەپ حابارلايدى Egemen.kz.
استانا قالاسى دەنساۋلىق ساقتاۋ باسقارماسىنىڭ ءباسپاسوز قىزمەتى 21 جاستاعى موبيلوگرافتىڭ ءولىمىنىڭ سەبەبى سوت-مەديتسينالىق ساراپتامانىڭ ناتيجەلەرىمەن راستالعانىن مالىمدەدى.
ء"ولىمنىڭ سەبەبى ء–جىتى گەمورراگيالىق پانكرەونەكروز ەدى. ول توكسيكولوگيالىق زەرتتەۋ ناتيجەلەرىمەن راستالدى", – دەپ جازدى استانا قالاسىنىڭ دەنساۋلىق ساقتاۋ باسقارماسىنىڭ ءباسپاسوز قىزمەتى.
جەدەل گەمورراگيالىق پانكرەونەكروز – ۇيقى بەزىنىڭ اۋرۋى. بۇل كوپ جاعدايدا ولىمگە اكەلەدى. ۇيقى بەزى فەرمەنتتەر مەن ينسۋلين شىعارۋ ارقىلى اس قورىتۋدا ماڭىزدى ءرول اتقارادى جانە ونىڭ قابىنۋى اۋىر زارداپتارعا اكەلۋى مۇمكىن. گەمورراگيالىق پانكرەونەكروز كەزىندە بەزدىڭ تىندەرىنەن قان كەتىپ, قابىنادى.
قازان ايىنىڭ باسىندا استانادا "يرينا كايراتوۆنا" توبىنىڭ كونتسەرتى كەزىندە توپتىڭ موبيلوگرافى شاحناز جىلقايداروۆ ساحنادا قۇلاپ, مەرت بولعان ەدى.
ايتا كەتەيىك, استانا قالاسىنىڭ دەنساۋلىق ساقتاۋ باسقارماسى 21 جاستاعى جىگىتتىڭ ولىمىنە قاتىستى پىكىر ءبىلدىرىپ, نەدەن كوز جۇمعانى جايلى بولجام جاساعان.
مارقۇمنىڭ قۇربىسى ءمولدىر ەسىمدى بويجەتكەن شاحناز جىلقايداردىڭ ولىمىنە ەنەرگەتيكالىق سۋسىنداردىڭ قاتىسى جوعىن جانە مارقۇمنىڭ اپتا بويى جۇمىستان باس كوتەرمەي, ەكى تاۋلىك بويى كوز ىلمەگەنىن ايتتى. ونىڭ ولىمىنە قاتىستى سوتقا دەيىنگى تەرگەۋ باستالدى.