ەلىمىزدە جىلدىق ينفلياتسيا قازان ايىنىڭ قورىتىندىسى بويىنشا 10,8 پايىز بولدى. وسىلايشا, قىركۇيەكپەن سالىستىرعاندا تومەندەۋ بايقالدى (وتكەن ايدا 11,8 پايىز بولعان). ۇلتتىق ستاتيستيكا بيۋروسى تاراتقان اقپاراتقا سۇيەنسەك, سوڭعى ءبىر جىل ىشىندە ازىق-ت ۇلىك تاۋارلارىنىڭ باعاسى – 10,4 پايىزعا, اقىلى قىزمەتتەر – 11 پايىزعا, ازىق-ت ۇلىكتىك ەمەس تاۋارلار 11,1 پايىزعا قىمباتتاعان.
2022 جىلدىڭ قازانىمەن سالىستىرعاندا بيىلعى قازاندا ورامجاپىراق – 69,1, كۇرىش – 40,3, ءجۇزىم – 46,7, اپەلسين – 28,1, ءسابىز – 22,4, كونسەرۆىلەنگەن ءسۇت – 22, كۇنباعىس مايى – 16,2, قۇمشەكەر 16 پايىزعا قىمباتتاعان. قىمباتتاۋ جاعىنان مەديتسينالىق ونىمدەر دە قالىس قالماي تۇر. پاراتسەتامول باعاسى – 70, اتسەتيلساليتسيل قىشقىل باعاسى – 32,3, يود باعاسى 21,5 پايىزعا وسكەن.
ەكونوميكانىڭ باسقا سەكتورلارىنداعى ءونىم تۇرلەرى بويىنشا قىمباتتاۋ ايقىن اڭعارىلادى. اتاپ ايتقاندا, ولار – ديزەل وتىنى (+35,1%), سۇيىتىلعان گاز (+12,8%), تاس كومىر (+12,6%).
«قازاندا تۇتۋنىشىلىق باعالاردىڭ ايلىق يندەكسى 0,7 پايىز بولدى. قىركۇيەكتە ول 0,6 پايىز بولعان ەدى. اقىلى قىزمەتتەر مەن ازىق-ت ۇلىكتىك ەمەس تاۋارلار باعاسى 0,8, ال ازىق-ت ۇلىك تاۋارلارى 0,5 پايىزعا ارتتى», دەلىنگەن بيۋرو مالىمەتىندە.