استانادا اۆتوگاز تاپشى بولىپ جاتىر

استانا اكىمدىگىنىڭ مالىمەتىنشە, 6 قاراشاداعى جاعداي بويىنشا قالادا گاز قالدىعى 900 توننانى قۇرايدى, 1476,3 توننا جەتكىزىلۋى ءتيىس. ونىڭ ىشىندە بۇگىن 9 ۆاگون (324 توننا) جەتكىزىلدى, 7 قاراشادا 16 ۆاگون (576 توننا) جەتكىزىلۋى كەرەك. 7 قاراشادان باستاپ «سنپس-اقتوبەمۇنايگاز» اق زاۋىتى 25 ۆاگون (900 توننا) گاز, 8 قاراشادا 15 ۆاگون (540 توننا) سۇيىتىلعان گاز كولەمىن جونەلتۋدى باستايدى.

زاۋىتتاردىڭ قىزمەتى, سونداي-اق گازدى ۋاقىتىلى جونەلتۋ مەن جەتكىزۋدى قامتاماسىز ەتۋدى رەتتەۋ ماسەلەسى قر ەنەرگەتيكا مينيسترلىگىنىڭ, «قازاقستان تەمىر جولى» ۇك» اق قۇزىرەتىندە.

سۇيىتىلعان گازدىڭ جەتىسپەۋشىلىگىن ەسكەرە وتىرىپ, ساتۋشىلار اۆتوگاز قۇيۋ ستانتسيالارىندا تالوندىق جۇيەنى ەنگىزۋ ارقىلى ساتۋ بويىنشا شەكتەۋلەر ەنگىزدى.

بۇل شارالار جاعدايدى قالىپقا كەلتىرگەنگە دەيىن گاز تاپشىلىعىن بولدىرماۋعا بايلانىستى قولدانىلادى.

بيىل 6 قاراشادا قالا اكىمدىگىندە مەملەكەتتىك ورگاندار مەن ۇيىمداردىڭ, سونداي-اق سۇيىتىلعان مۇناي گازىن وتكىزۋشىلەردىڭ قاتىسۋىمەن كەڭەس وتكىزىلدى.

قازىرگى ۋاقىتتا ماسەلە ءتيىستى مەملەكەتتىك ورگانداردىڭ باقىلاۋىندا, شەكتەۋلەردى كەزەڭ-كەزەڭىمەن ءبىر اپتا ىشىندە الىپ تاستاۋ جوسپارلانىپ وتىر.