جوسپارلى جوندەۋ جۇمىستارىنا بايلانىستى قازاقستاندا راديو جانە تەلەديدار ءبىر تاۋلىككە وشىرىلەدى.
بۇل تۋرالى مالىمدەگەن «قازتەلەراديو» اق ەسكەرتۋىنشە, الدىن الۋ جۇمىستارىن جۇرگىزۋگە بايلانىستى 8 قاراشادا استانا ۋاقىتى بويىنشا ساعات 3:00-دەن 17:00-گە دەيىن تەلەراديو حابارلارىن تاراتۋ وشىرىلەدى.
«تەلەراديو اقپاراتتارىن ۇزدىكسىز ءارى ساپالى تاراتۋدى قامتاماسىز ەتۋ ماقساتىندا سپۋتنيكتىك, تسيفرلىق, انالوگتىق جەرۇستى جەلىلەرىنىڭ تەحنيكالىق قۇرالدارىنداعى قىزمەتتەر توقتاتىلا وتىرىپ, جوسپارلى تۇردەگى توقسان سايىنعى اعىمداعى جوندەۋ جۇمىستارى جۇرگىزىلەدى», دەپ ءتۇسىندىردى ۇلتتىق وپەراتور.