جۇما كۇنى قىتايدىڭ سولتۇستىك-باتىسىنداعى شىڭجاڭ-ۇيعىر اۆتونوميالىق اۋدانىنىڭ اكىمشىلىك ورتالىعى ءۇرىمجى مەن قازاقستاننىڭ ەڭ ءىرى قالاسى الماتىنى بايلانىستىراتىن جولاۋشىلار اۆتوبۋسى قاتىنايتىن بولدى, دەپ حابارلايدى Egemen.kz.
شىڭجاڭ ولكەلىك كولىك باسقارماسىنىڭ مالىمەتىنشە, 1150 شاقىرىمدىق ترانسشەكارالىق جول ءبىر باعىتقا شامامەن 12 ساعات جۇرەدى.
"قىتاي مەن قازاقستان اراسىنداعى جولاۋشىلار تاسىمالىن جەڭىلدەتۋ ءۇشىن قىتايدىڭ شەكارالىق ايماعى ۇرىمجىدەن تاعى ءتورت حالىقارالىق اۆتوبۋس باعىتىن اشادى. باعىتتاردىڭ ءبىرى - سەمەي قالاسى", دەپ جازدى قىتايلىق باق.
ايتا كەتەيىك, بۇعان دەيىن قازاقستان مەن قىتاي ۇكىمەتى اراسىنداعى ۆيزاسىز رەجيم تۋرالى كەلىسىم 2023 جىلدىڭ 10 قاراشاسىنان باستاپ كۇشىنە ەنەتىنى ءمالىم بولعان. بۇل تۋرالى قر سىرتقى ىستەر مينيسترلىگىنىڭ اقپاراتى جاريالانعان.