مەملەكەت باسشىسى قاسىم-جومارت توقاەۆ ديماش قۇدايبەرگەنگە تازىنىڭ كۇشىگىن سىيلادى. بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ ءباسپاسوز حاتشىسى بەرىك ءۋالي جەلىدەگى پاراقشاسىنا جازدى, دەپ حابارلايدى Egemen.kz.
"ديماش تازىعا "عارىشكەر" دەپ ات قويىپ, جەلىگە سۋرەتتەرىن جۇكتەدى.
پرەزيدەنتتىڭ سىيلىعىنا ديماشتىڭ ەرەكشە قۋانىپ, ريزا بولعانىن ايتا كەتكەن ءجون.
جالپى, قازاقتىڭ تازى تۇقىمىن الەمدىك دەڭگەيدە ناسيحاتتاۋدا ديماش ۇلكەن ءىس اتقارا الادى دەپ ويلايمىن. ويتكەنى جەر جاھاندى جاۋھار ونەرىمەن جاۋلاعان دارابوز ءانشى ۇلتتىڭ داۋىرلەردەن جەتكەن قۇندىلىقتارىن دارىپتەسە, دۇنيەجۇزىنە داڭقى جايىلماق", - دەگەن بەرىك ءۋالي.
ول مۇنىڭ مەملەكەت باسشىسى ايتاتىن كرەاتيۆتى يندۋستريانىڭ ءبىر باعىتى بولاتىنىنا سەنىم بىلدىرگەن.