شىعىس قازاقستان وبلىسى التاي اۋدانىنداعى شارۋا قوجالىعىندا 240 توننا پىشەندى ءورت شالدى, دەپ حابارلايدى Egemen.kz.
شقو تجد ءباسپاسوز قىزمەتىنىڭ جازۋىنشا, التاي اۋدانى مالەەۆسك اۋىلىنداعى شارۋا قوجالىعىنىڭ اۋماعىندا پىشەن تۇتانىپ كەتكەن.
وقيعا ورنىنا №2 مامانداندىرىلعان ءورت ءسوندىرۋ بولىمشەسىنىڭ قىزمەتكەرلەرى جەدەل كەلىپ جەتتى. ول ۋاقىتتا 28 توننا پىشەندى وت شارپىپ جاتقان.
ءتىلسىز جاۋمەن كۇرەسكە ورمانشىلار, جاقىن ماڭداعى شارۋا قوجالىقتارىنىڭ جۇمىسشىلارى مەن اۋىل حالقى تارتىلدى.
"ولاردىڭ قاجىرلى جانە ۇيلەسىمدى جۇمىسىنىڭ ارقاسىندا ءورت اۋىزدىقتالدى. ناتيجەسىندە, 240 توننا پىشەندى ساقتاپ قالدى", دەلىنگەن اقپاراتتا.
ءورتتىڭ شىعۋىنا قاساقانا ءورت قويۋ نەمەسە وتتى ابايسىز پايدالانۋ سەبەپ بولۋى مۇمكىن.
قازىرگى ۋاقىتتا تەكسەرۋ جۇرگىزىلۋدە.