ەكس-مينيستر ەلجان ءبىرتانوۆتىڭ مەملەكەتكە كەلتىرىلگەن شىعىندى تولىق وتەۋىنە 561 جىل كەرەك. بۇل تۋرالى Egemen.kz 31-ارنانىڭ ينفورمبيۋرو باعدارلاماسىنا سىلتەمە جاساپ حابارلايدى.
سوت ورىنداۋشىلارى بۇرىنعى دەنساۋلىق ساقتاۋ مينيسترىنەن اي سايىن 100 مىڭ تەڭگە ءوندىرىپ وتىر.
بىلتىر لاۋازىمىن اسىرا پايدالاندى دەپ ەلجان بىرتانوۆقا بەس جىل, ونىڭ ورىنباسارى بولعان ولجاس ابىشەۆكە ءتورت جىل باس بوستاندىعىن شەكتەۋ جازاسى تاعايىندالعان. سونداي-اق ولار 1 ميلليارد 300 ميلليون تەڭگەنى مەملەكەت پايداسىنا تولەۋگە مىندەتتەلدى. بۇل قوماقتى سومانى ەكىگە بولسە, ارقايسىسى 675 ميلليون تەڭگەدەن تولەۋى ءتيىس.
ادىلەت مينيسترلىگىنىڭ مالىمەتىنشە, پروباتسيالىق باقىلاۋعا الىنعان ەكس-شەنەۋنىكتەر جەكەمەنشىك كومپانيالارعا جۇمىسقا ورنالاسقان. وسى كۇنگە دەيىن ەلجان ءبىرتانوۆ 945 مىڭ تەڭگەسىن وتەسە, ولجاس ابىشەۆ 260 مىڭ تەڭگەگە جەتپەيتىن اقشا تولەگەن. سەبەبى ول ايىنا 43 مىڭ تەڭگەدەن تولەپ وتىر. دەمەك ولجاس ابىشەۆتىڭ شىعىندى تولىق وتەۋىنە 1300 جىل كەرەك بولسا, ەلجان بىرتانوۆقا 561 جىل كەرەك.
دەسە دە جاۋاپتى ۆەدومستۆو وكىلدەرى ەكى ازاماتتىڭ بارلىق شوتتارى جانە م ۇلىكتەرى بۇعاتتالعانىن مالىمدەدى.