مەملەكەت باسشىسى قاسىم-جومارت توقاەۆ تۇركى مەملەكەتتەرى ۇيىمىنىڭ 10-شى سامميتىندە تۇركيا حالقىن 100 جىلدىق مەرەيتويىمەن, ال ازەربايجان حالقىن ەل ىرگەسىن بەكەمدەۋىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«تۇركى حالىقتارىنىڭ قاسيەتتى قارا شاڭىراعى – قازاقستانعا قوش كەلدىڭىزدەر! ەڭ الدىمەن, باۋىرىم رەدجەپ تايپ ەردوعان مىرزاعا جانە بارشا تۇرىك اعايىندارعا تۇركيانىڭ 100 جىلدىق مەرەيتويى قۇتتى بولسىن دەگىم كەلەدى. انادولىنىڭ عاسىرلىق شەجىرەسى بيىك بەلەسكە, زور جەتىستىككە تولى. ۇلى تۇلعالارىنىڭ ارقاسىندا بۇگىندە تۇركيا بۇكىل الەمگە ىقپالى بار قۋاتتى مەملەكەتكە اينالدى», دەدى قاسىم-جومارت توقاەۆ.
سونداي-اق ول قادىرلى يلحام گەيداروعلى اليەۆ مىرزانى جانە ازەربايجان حالقىن ەل ىرگەسىن بەكەمدەۋىمەن قۇتتىقتادى.
ء«سىزدىڭ ەلىڭىز اۋماقتىق تۇتاستىعىن قالپىنا كەلتىرىپ, دامۋدىڭ جاڭا تاريحي داۋىرىنە قادام باستى. وسى تاريحي قادام بىرىككەن ۇلتتار ۇيىمىنىڭ جارعىسىنا جانە قاۋىپسىزدىك كەڭەسىنىڭ قارارىنا سايكەس جۇزەگە استى. سونىمەن قاتار ۇيىمنىڭ قازىرگى توراعاسى وزبەكستان پرەزيدەنتى, قۇرمەتتى شاۆكات ميرومونوۆيچ ميرزيوەۆكە تۇركى ەلدەرىنىڭ ىنتىماقتاستىعىن نىعايتۋعا زور ۇلەس قوسقانى ءۇشىن ەرەكشە العىسىمدى ايتامىن», دەدى مەملەكەت باسشىسى.