دانەكەرلەۋ دارىسكەرى

سوندىقتان ول كاسىپتىك مەكتەپ باس­شىلىعىنىڭ ۇسىنىسىن قۇپ كور­دى. ءسويتىپ, جاڭا ماماندىق­تى مەڭگەرۋگە ۇمتىلدى. دانەكەرلەۋ ماماندىعىنا سول مەكتەپتىڭ وزىندە وقىتادى ەكەن. «وقۋ­شى­­لارعا قۇرىلىس ما­مان­­دىقتارىنىڭ بىرىنەن ساباق بەرەمىن» دەپ كەل­گەن ول سولارمەن بىر­گە دانەكەرلەۋشى مامان­دىعىنا ماشىقتاندى. بۇل 2007 جىل بولا­تىن. ول بۇل كەزدە ءۇش بالانىڭ اناسى اتانعان وتىزدىڭ بەل ورتاسىنداعى كەلىنشەك ەدى. سىناقتاردان سۇ­رىن­بەي ءوتتى. اينالاسى ءۇش ايدىڭ ىشىندە كوپ-كورىم دانەكەرلەۋشى بولىپ ال­دى. بۇگىن ەندى مۋ­كاراما بايشورينا سات­باەۆ يندۋستريا كوللەد­جىندە ون­دىرىستىك وقىتۋ شەبەرى بولىپ ەڭبەك ەتىپ ءجۇر.

– «ەشقاشان ەشتەڭە­نىڭ كەشتىگى بولماي­دى», دەگەن راس ەكەن. جاسىم وتىزدىڭ ور­تاسىنا كەلگەندە جاڭا ما­­مان­دىقتى يگەرەمىن دەپ وي­لاعان جوقپىن. بىراق بۇ­عان ەش وكىنبەيمىن, – دەي­دى ول.

ويتكەنى وسى جىلدار ىشىندە قان­شاما دانە­كەر­لەۋشىنى وقىتىپ, ۇي­رەتىپ شىعاردى. كوللەدجگە كەل­گەندە دانەكەرلەۋ دەگەننەن تۇك حابارى جوق جاستار اينالاسى ەكى-ءۇش جىلدا ماماندىق يەسى بولىپ شىعادى. ولاردىڭ وقىپ, ۇيرەنۋىنە كوللەدج­دە جاقسى جاعداي جاسال­عان. ارنايى شەبەرحا­نادا وقۋعا قاجەتتى قۇ­رال-جابدىقتار جەت­كى­لىك­تى. وقۋ بارىسىندا تەوريا مەن پراكتيكا ۇش­­تاستىرىلىپ وتىرى­لا­دى. بولاشاق دانەكەر­لەۋ­شىلەر قالاداعى ىرگەلى كا­سىپورىندارعا بارىپ تا­جىريبە جيناقتايدى.

– ءبىز ۇنەمى وبلىستىق, رەس­پۋب­­ليكالىق بايقاۋ­لار­دان سىرت قال­مايمىز. مۇنداي بايقاۋلاردىڭ بەرەرى مول. بۇل ءبىر جا­عى ءوزىمىزدى كورسەتۋگە سە­بەپ, ەكىنشىدەن, وزگە­لەردىڭ وزىق دۇ­نيەلەرىن ۇيرەنەمىز, – دەگەن مۋ­كاراما تاسىبايقىزى بيىل وبلىستىق دەڭگەي­دەگى بايقاۋدا وقۋشى­لارىنىڭ 2-ورىن العانىن زور ماقتانىشپەن ايتتى.

ەڭبەكتىڭ باعالان­عا­نىنا نە جەتسىن؟ مۋكا­رامانىڭ بۇل ورايدا دا وكپەسى جوق. ول 2014 جىلى ساتباەۆ قالاسى اكىمىنىڭ ارنايى سىيلىعىن جەڭىپ السا, 2021 جىلى ول كەز­دەگى ءبىلىم جانە عىلىم ءمي­نيسترىنىڭ العىسحاتىن يەلەندى. ال جاقىندا «Amanat» پار­تياسىنىڭ ماراپا­تىنا يە بولدى. بۇل اي­تىلعاندار ونىڭ مارا­پاتتارىنىڭ ءبىردى-ەكىسى عانا.

مۋكارامانىڭ ايتۋىنشا, ايەلدەر­دىڭ دا­نە­كەرلەۋ ماماندىعى بويىن­شا ۇستازدىق ەتۋى تاڭ­عالارلىق جاعداي ەمەس. ويتكەنى ءوزى ەڭبەك ەتە­تىن كوللەدجدىڭ وزىندە عانا ءۇش ايەل وسى ماماندىق بويىنشا سا­باق بەرەدى ەكەن.

مۋكارامانىڭ الدى­­نان وتكەن دا­­نە­كەر­لەۋ­شىلەر «قازاقمىس» كور­پو­راتسياسىنىڭ قۇرى­لىمدارىندا, تاعى دا باسقا مەكەمەلەر مەن كاسىپورىنداردا ەڭبەك ەتەدى. «شاكىرتتەرىممەن ماق­تانا­مىن. ويتكەنى ولار ەلىمىزدىڭ دا­مۋى ءۇشىن ءوز ۇلەسىن قوسىپ ءجۇر. شا­كىرت­تەرىمنىڭ ەڭ­بەك جەتىستىكتەرىندە مە­نىڭ دە ازدى-كوپتى ۇلەسىم با­رىن سەزە­مىن, بۇل دا جانعا جىلۋلىق سىيلايتىن ءسات», دەگەن مۋكاراما بايشورينا وتباسىندا ارداقتى انا, اياۋلى اجە, ونەگەلى ەنە.

ۇلىتاۋ وبلىسى,

ساتباەۆ قالاسى